ខេត្តកណ្តាល៖ នៅព្រឹកថ្ងៃទី៧ ខែធ្នូ ឆ្នាំ២០២១នេះ នៅសាលប្រជុំសាលាខេត្តកណ្ដាល បានរៀបចំកិច្ចប្រជុំពិនិត្យផ្ដល់យោបល់លើនិមិត្តសញ្ញា និងអត្ថន័យនៃនិមិត្តសញ្ញារបស់រដ្ឋបាលក្រុង-ស្រុកទាំង១១ ដែលបានដឹកនាំកិច្ចប្រជុំដោយលោក គ្រុយ ម៉ាឡែន នាយករដ្ឋបាលខេត្តកណ្តាល និងដោយមានការចេញចូលរួមផងដែរពីសំណាក់មន្ទីរពាក់ព័ន្ធ មន្ត្រីជំនាញ និងរដ្ឋបាលក្រុង-ស្រុកទាំង១១។ក្នុងកិច្ចពិភាក្សានោះ អង្គប្រជុំបានធ្វើការកែសម្រួលទៅលើអត្ថន័យខ្លឹមសារក៏ដូចជារចនាបថមួយចំនួន នៃនិមិត្តសញ្ញារបស់ក្រុង-ស្រុក ឱ្យសមស្របទៅនឹងសក្តានុពល ជីវប្រវត្តិភូមិសាស្ត្រ វប្បធម៌ និងប្រពៃណីរបស់ប្រជាពលរដ្ឋទៅតាមបណ្ដាក្រុង-ស្រុកនីមួយៗ ដើមី្បធ្វើឱ្យនិមិត្តសញ្ញារបស់ក្រុង-ស្រុក បង្កប់ទៅអត្ថន័យដ៏ស៊ីជម្រៅ ប្រកបដោយសោភ័ណភាព ទុកសម្រាប់ប្រើប្រាស់បន្តដល់មនុស្សជំនាន់ក្រោយ។សូមជម្រាបផងដែរថា ការបង្កើតនូវនិមិត្តសញ្ញានេះ ក៏ជាការបង្កលក្ខណៈងាយស្រួលដល់មហាជន ប្រជាជន ភ្ញៀវជាតិ អន្តរជាតិ បានស្គាល់ កាន់តែច្បាស់ អំពីសក្តានុពល ប្រពៃណី ទំនៀមទំលាប់របស់ប្រជាពលរដ្ឋនៅក្នុងមូលដ្ឋាននិមួយៗ ម្យ៉ាងទៀត ការរៀបចំនេះគឺអនុវត្តតាមការណែនាំរបស់ក្រសួងមហាផ្ទៃ ស្តីពីការគាំទ្រដល់រដ្ឋបាលក្រុង ស្រុក ខណ្ឌ និង រដ្ឋបាល ឃុំ សង្កាត់ ក្នុងការសិក្សារៀបចំកំណត់និមិត្តសញ្ញា៕
![](https://asset.cambodia.gov.kh/provincial/sites/29/2021/12/259825373_4411771688951036_8441986383186220350_n-2.jpg)
![](https://asset.cambodia.gov.kh/provincial/sites/29/2021/12/264993767_4414085748719630_638738059098216957_n.jpg)
![](https://asset.cambodia.gov.kh/provincial/sites/29/2021/12/265081713_4414087018719503_7637572559286408700_n.jpg)
![](https://asset.cambodia.gov.kh/provincial/sites/29/2021/12/264884608_4414086158719589_8241103111853194054_n.jpg)
![](https://asset.cambodia.gov.kh/provincial/sites/29/2021/12/264782028_4414086782052860_7924165284461226668_n.jpg)
![](https://asset.cambodia.gov.kh/provincial/sites/29/2021/12/264794634_4414086362052902_3882952663302580143_n.jpg)