រសៀលថ្ងៃទី០៦ ខែធ្នូ ឆ្នាំ២០២១ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល បានអញ្ជើញដឹកនាំ ក្រុមការងារចម្រុះចូលរួមកិច្ចប្រជុំត្រួតពិនិត្យផែនការការពារ សន្តិសុខ សុវត្ថិភាព ជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុងដំណើរ អញ្ជើញដ៏ខ្ពង់ខ្ពស់ត្រួតពិនិត្យការដ្ឋានសាងសង់ព្រលានយន្ត ហោះអន្តរជាតិភ្នំពេញថ្មី ក្រោមអធិបតីភាព ឯកឧត្តម យូ ស៊ុនឡង រដ្ឋមន្រ្តីប្រតិភូអមនាយករដ្ឋមន្រ្តី នៅទីតាំងប្រារព្វពីធី ស្ថិត ក្នុងស្រុកកណ្តាលស្ទឹង ខេត្តកណ្តាល។សូមជម្រាបជូនថាព្រឹកថ្ងៃទី០៩ ខែធ្នូ ឆ្នាំ២០២១ សម្តេចអគ្គមហាសេនាបតី តេជោ នឹងអញ្ជើញជាអធិបតីភាពដ៏ខ្ពង់ខ្ពស់ពិនិត្យការដ្ឋានសាង សង់ព្រលានយន្តហោះអន្តរជាតិភ្នំពេញថ្មី ដែលសាងសង់ លាតសន្ធឹងលើផ្ទៃដីប្រមាណ២៦០០ហិកតា ស្ថិតនៅឃុំ ព្រែកស្លែង និងឃុំបឹងខ្យាង ស្រុកកណ្តាលស្ទឹង ខេត្តកណ្តាល។