ខេត្តកណ្ដាល ៖ កិច្ចប្រជុំពិនិត្យពិភាក្សា សម្របសម្រួលលើសំណើរសុំ សម្រេចការស្នើសុំសេវា ពិនិត្យរៀបចំ និងដំណើរការឯកសារផ្ដល់អាជ្ញាប័ណ្ឌ សិប្បកម្មធនធានរ៉ែ សម្រាប់អាជីវកម្ម ជីកយកអាចម៍ដី ដីក្រហម ខ្សាច់ឫគ្រួស នៅភូមិរការ ឃុំក្រាំងយ៉ូវ ស្រុកស្អាង និងភូមិត្រពាំងបាគូ ឃុំត្រពាំងវែង ស្រុកកណ្ដាលស្ទឹង ក្រោមការដឹកនាំកិច្ចប្រជុំដោយ ឯកឧត្ដម ណុប ដារ៉ា អភិបាលរងខេត្តកណ្ដាល ។ ក្នុងកិច្ចប្រជុំដែលធ្វេីឡេីងនៅថ្ងៃទី១៥ខែវិច្ឆិកាឆ្នាំ២០២១នេះ ឯកឧត្ដម ណុប ដារ៉ា អភិបាលរងខេត្ត បានអោយក្រុមការងារជំនាញពិនិត្យមើលគ្រប់អាជ្ញាប័ណ្ណអាជីវកម្មទាំងអស់ ដោយសារម្ចាស់អាជីវកម្មខ្លះ បានផុតអាជ្ញាប័ណ្ណធ្វើអាជីវកម្ម និងការជីកហួសទំហំដែលបានសុំអាជ្ញាប័ណ្ណអាជីវកម្ម ហើយនៅតែបន្តការជីកអាចម៍ដីបន្តទៀត ដែលជាបញ្ហាធើ្វអោយប៉ះពាល់ដល់ប្រជាពលរដ្ឋនៅជិតតំបន់ដែលធើ្វអាជីវកម្មនោះ ។ ឯកឧត្ដម ណុប ដារ៉ា អភិបាលរងខេត្ត បន្តថា ចំពោះទំហំដែលរដ្ឋបាលខេត្តបានផ្ដល់អាជ្ញាប័ណ្ណអាជីវកម្ម គឺមានទំហំ ក្រោមមួយហិចតា នឹងទំហំលើសពីមួយហិចតា គឺក្រសួងជាអ្នកចេញអាជ្ញាប័ណ្ណអាជីវកម្ម ជូនម្ចាស់អាជីវកម្មនោះ ហើយម្ចាស់អាជ្ញាប័ណ្ណអាជីវកម្មទាំងនោះ ត្រូវតែបង់សួយសាអាករណ៍ជូនដល់រាជរដ្ឋាភិបាល តាមទំហំ និងអាជ្ញាប័ណ្ណអាជីវកម្មនោះ ។ ក្នុងកិច្ចប្រជុំនេះ ឯកឧត្ដមអភិបាលរងខេត្ត បានបញ្ជាក់ថា ចំពោះម្ចាស់អាជ្ញាប័ណ្ណអាជីវកម្មទាំងអស់ ត្រូវគោរពតាមបចេ្ចកទេស និងគោលការណ៍ដែលច្បាប់បានកំណត់ ចំពោះបញ្ហាដែលម្ចាស់អាជ្ញាប័ណ្ណអាជីវកម្ម ដែលមិនគោរពតាមគោលការណ៍ និងច្បាប់ដែលបានកំណត់ គឺត្រូវទទួលទោសតាមច្បាប់ ។
![](https://asset.cambodia.gov.kh/provincial/sites/29/2021/11/241257250_4337963999665139_8345517333239171249_n-2-1024x682.jpg)
![](https://asset.cambodia.gov.kh/provincial/sites/29/2021/11/256036333_4343804812414391_5949279933354249041_n-1-1024x682.jpg)
![](https://asset.cambodia.gov.kh/provincial/sites/29/2021/11/255029896_4343804849081054_6573008003463640566_n-1-1024x682.jpg)
![](https://asset.cambodia.gov.kh/provincial/sites/29/2021/11/256333637_4343805242414348_4293954608631593980_n-1024x682.jpg)
![](https://asset.cambodia.gov.kh/provincial/sites/29/2021/11/257455542_4343805199081019_9102319573136316840_n-1024x682.jpg)
![](https://asset.cambodia.gov.kh/provincial/sites/29/2021/11/257524649_4343805182414354_6975906619787338846_n-1024x682.jpg)