ឯកឧត្ដម ណុប ដារ៉ា អភិបាលរងខេត្តកណ្ដាល បានដឹកនាំកិច្ចប្រជុំពិភាក្សាលើការរំដោះទឹកជន់លិចក្នុងភូមិសាស្រ្តក្រុងតាខ្មៅ និងបានដឹកនាំមន្ត្រីជំនាញ អាជ្ញាធរក្រុងតាខ្មៅ ចុះពិនិត្យប្រព័ន្ធលូរ និងតំបន់មួយចំនួន ដែលរងការជន់លិចដោយទឹកភ្លៀង នៅក្នុងក្រុងតាខ្មៅ នារសៀលថ្ងៃទី១១ ខែតុលា ឆ្នាំ២០២១។
ឯកឧត្ដម ណុប ដារ៉ា អភិបាលរងខេត្តកណ្ដាល បានណែនាំដល់មន្ត្រីជំនាញ អាជ្ញាធរក្រុងតាខ្មៅ ពិសេសមន្ទីរសាធារណ:ការ និងដឹកជញ្ជូនខេត្ត ត្រូវចុះស្ដារប្រព័ន្ធលូទាំងអស់ ដែលធ្វើឲ្យកកស្ទះចរន្តបង្ហូរទឹក បណ្ដាលឱ្យជន់លិចតំបន់មួយចំនួន ពិសេសកំណាត់ផ្លូវជាតិលេខ២១B ដែលជាផ្លូវមានសារៈសំខាន់ សម្រាប់ខេត្តកណ្ដាល ក៏ដូចជា ក្រុងតាខ្មៅទាំងមូលផងដែរ។ ជាងនេះទៀត គ្រប់ស្ថានីយបូមទឹកទាំងអស់ ត្រូវដំណើរការបូមទឹក ដើម្បីរំដោះទឹក ក្នុងក្រុងតាខ្មៅឱ្យអស់។
ឯកឧត្ដម ណុប ដារ៉ា អភិបាលរងខេត្តកណ្ដាល បានណែនាំដល់អាជ្ញាធរពាក់ព័ន្ធ ត្រូវពិនិត្យពិភាក្សាវាយតម្លៃអំពីផលប៉ះពាល់ ដើម្បីរកមធ្យោបាយដោះស្រាយ កែលម្អប្រព័ន្ធលូដោះទឹក ប្រឡាយ ឲ្យមានភាពប្រសើរឡើងវិញ។ ជាងនេះទៀត មន្ទីរសាធារណ:ការ និងដឹកជញ្ជូនខេត្ត ត្រូវសិក្សាស្ដារប្រព័ន្ធលូសំខាន់ៗទាំងអស់ ក្នុងក្រុងតាខ្មៅ ដើម្បីសម្រួលដល់ការរំដោះទឹកឱ្យបានរហ័ស ដើម្បីបញ្ចៀសនូវការជន់លិចផងដែរ។
![](https://asset.cambodia.gov.kh/provincial/sites/29/2021/10/245259196_4232440886884118_761694666071214505_n-2-1024x683.jpg)
![](https://asset.cambodia.gov.kh/provincial/sites/29/2021/10/244477415_4235891849872355_8429815458899390265_n-1024x683.jpg)
![](https://asset.cambodia.gov.kh/provincial/sites/29/2021/10/244466625_4235891359872404_909516837216407674_n-1024x683.jpg)
![](https://asset.cambodia.gov.kh/provincial/sites/29/2021/10/245270454_4235894249872115_6238628746961115560_n-1024x683.jpg)
![](https://asset.cambodia.gov.kh/provincial/sites/29/2021/10/244428022_4235894709872069_1350054317915394111_n-1024x683.jpg)
![](https://asset.cambodia.gov.kh/provincial/sites/29/2021/10/244517710_4235893769872163_8655128788604129796_n-1024x683.jpg)