ខេត្តកណ្ដាល៖ រសៀលថ្ងៃទី២២ ខែកញ្ញា ឆ្នាំ២០២១ ឯកឧត្តម គង់ សោភ័ណ្ឌ អភិបាលខេត្តកណ្ដាល អញ្ជើញសំណេះសំណាលទទួលអំណោយ អង្ករ ចំនួន៤តោន ពីក្រុមហ៊ុនអិមដាប់បែលយូជី(ខេមបូឌា)ឯក ដើម្បីចូលរួមប្រយុទ្ធប្រឆាំង និងការឆ្លងរាលដាលនូវជំងឺកូវីដ-១៩ ក្នុងភូមិសាស្ត្រខេត្តកណ្ដាល។
មានប្រសាសន៍នាឱកាសនោះដែរ ឯកឧត្តម គង់ សោភ័ណ្ឌ អភិបាលខេត្តកណ្ដាល បានថ្លែងអំណរគុណដ៏ជ្រាលជ្រៅបំផុត ចំពោះទឹកចិត្តប្រកបដោយសប្បុរស ពោរពេញដោយសទ្ធាជ្រះថ្លារបស់ក្រុមហ៊ុនអិមដាប់បែលយូជី(ខេមបូឌា)ឯក ដែលបានចំណាយនូវទ្រព្យសម្បត្តិផ្ទាល់ខ្លួន ក្នុងការជួយដល់សង្គមជាតិ តាមរយៈរដ្ឋបាលខេត្តកណ្ដាល ដែលនេះគឺជាកាយវិការឆ្លុះបញ្ចាំងពី គុណធម៌ សប្បុរសធម៌ ការចេះជួយគ្នាក្នុងគ្រាលំបាក ពិសេសបានទាន់ពេលវេលា។
ឯកឧត្តមអភិបាលខេត្ត ក៏បញ្ចាក់ថារដ្ឋបាលខេត្តកណ្តាល នឹងយកចិត្តទុកដាក់ប្រើប្រាស់អំណោយដ៏សប្បុរសនេះប្រកបដោយតម្លាភាពក្នុងការបម្រើសកម្មភាពមនុស្សធម៌ ជួយដល់ជនរងគ្រោះដោយជំងឺកូវីដ-១៩។ជាមួយគ្នានោះដែរឯកឧត្ដម អភិបាលខេត្ត ក៏បានអំពាវនាវប្រជាពលរដ្ឋ សូមគោរពអនុវត្តអោយខ្ជាប់ខ្ជួន នូវវិធានការសុវត្ថិភាពរបស់ក្រសួងសុខាភិបាល និងវិធានការរបស់សម្តេចតេជោ ហ៊ុន សែន «៣ការពារនិង៣កុំ»។
សូមបញ្ចាក់ថា៖ក្រុមហ៊ុនអិមដាប់បែលយូជី(ខេមបូឌា)ឯក បានបង្កើត(កម្មវិធីសប្បុរសធម៌អង្ករ១០០តោន)ទូទាំងសាខាខេត្តក្រុងចំនួន៥០សាខា ដោយឡែកនៅក្នុងក្រុងតាខ្មៅមានចំនួន២សាខា។
![](https://asset.cambodia.gov.kh/provincial/sites/29/2021/09/242540352_4173074246154116_4343737110162681810_n-4.jpg)
![](https://asset.cambodia.gov.kh/provincial/sites/29/2021/09/242539937_4176419192486288_6619443045170248091_n.jpg)
![](https://asset.cambodia.gov.kh/provincial/sites/29/2021/09/242708363_4176419685819572_8155138626901847108_n.jpg)
![](https://asset.cambodia.gov.kh/provincial/sites/29/2021/09/242486268_4176420032486204_1261044900124917539_n.jpg)
![](https://asset.cambodia.gov.kh/provincial/sites/29/2021/09/242595057_4176420115819529_6841090932456631082_n.jpg)
![](https://asset.cambodia.gov.kh/provincial/sites/29/2021/09/242669555_4176420229152851_798044229823214562_n.jpg)