ខេត្តកណ្តាល៖ព្រឹកថ្ងៃទី១០ ខែកញ្ញា ឆ្នាំ២០២១ មន្ទីររៀបចំដែនដី នគរូបនីយកម្ម សំណង់ និងសុរិយោដីបានប្រារព្ធពិធីបិទផ្សាយជាសាធារណៈ នូវឯកសារនៃការវិនិច្ឆ័យមានលក្ខណៈជាប្រព័ន្ធចំនួន ០១ភូមិ គឺភូមិត្រពាំងព្រៃភូមិ ឃុំទំនប់ធំ ស្រុកពញាឮ ខេត្ដកណ្ដាល ក្រោមអធិបតីភាពលោក ថន សុវណ្ណា អភិបាលស្រុកពញាឮ និងលោក ព្រំ ឆាត អនុប្រធានមន្ទីរ រៀបចំដែនដី នគររូបនីយកម្មសំណង់ និងសុរិយោដី ខេត្តកណ្ដាល ដែលមានទីតាំងនៅ សាលាបឋមសិក្សា និងអនុវិទ្យាល័យដំណាក់ព្រីង ស្ថិតក្នុងភូមិដំណាក់ព្រីង ឃុំទំនប់ធំ ស្រុកពញាឮ ខេត្តកណ្ដាល ដែលមានរយៈពេល ១៥ថ្ងៃ គិតចាប់ពីថ្ងៃទី១០ ខែកញ្ញា ឆ្នាំ២០២១ ដល់ថ្ងៃទី២៤ ខែកញ្ញា ឆ្នាំ២០២១ ជាកំហិត ដែលមានក្បាលដីសរុបចំនួន ៤៥៩ ក្បាលដី។