ខេត្តកណ្ដាល៖ នារសៀលថ្ងៃទី០១ ខែកញ្ញា ឆ្នាំ២០២១ ឯកឧត្ដម គង់ សោភ័ណ្ឌ អភិបាល នៃគណៈអភិបាលខេត្តកណ្ដាល បានអញ្ជើញចូលរួមកិច្ចប្រជុំផ្សព្វផ្សាយសេចក្ដីណែនាំស្ដីពីការបង្រៀន និងរៀនតាមបណ្ដុំគ្រឹះស្ថានសាធារណៈ និងឯកជនតាមភូមិសាស្រ្តដែលមានហានិភ័យទាបទាំង ២៥រាជធានី-ខេត្ត ក្រោមការដឹកនាំកិច្ចប្រជុំដោយឯកឧត្ដមបណ្ឌិតសភាចារ្យ ហង់ ជួនណារ៉ុន រដ្ឋមន្ដ្រីក្រសួងអប់រំយុវជន និងកីឡា តាមប្រព័ន្ធ Zoom Meeting ។
មានប្រសាសន៍ក្នុងកិច្ចប្រជុំតាមប្រព័ន្ធ Zoom ឯកឧត្ដមបណ្ឌិតសភាចារ្យ ហង់ ជួនណារ៉ុន រដ្ឋមន្ដ្រីក្រសួងអប់រំយុវជន និងកីឡា បានស្នើដល់អភិបាលរាជធានី-ខេត្ត និងប្រធានមន្ទីរអប់រំ យុវជន និងកីឡា ទាំង ២៥ ត្រូវចុះពិនិត្យមើលស្ថានភាពតាមតំបន់ដែលមានហានិភ័យទាប ។
ឯកឧត្ដមបណ្ឌិតសភាចារ្យ បានបន្តថា ចំពោះការបើកការសិក្សាឡើងវិញ គឺចាំបាច់ត្រូវសហការរគ្នា រវាងឪពុកម្តាយ របស់សិស្ស និងអជ្ញាធរមូលដ្ឋាន ដើម្បីងាយស្រួលតាមដានសកម្មភាពរបស់សិស្ស និងត្រូវអនុវត្តតាមការណែនាំរបស់ក្រសួងសុខាភិបាល ដោយរក្សាគម្លាត និងរក្សាអនាម័យ ជៀសវាងមានករណីឆ្លងណាមួយ ។
សូមបញ្ជក់ថា កិច្ចប្រជុំនេះគឺអនុវត្តតាមប្រសាសន៍ដ៏ខ្ពង់ខ្ពស់របស់សម្ដេច អគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ដោយអោយក្រសួងអប់រំ យុវជន និងកីឡា ត្រូវបើកដំណើរការឡើងវិញ នូវការសិក្សារបស់សិស្សានុសិស្ស នៅតាមភូមិសាស្រ្ត ដែលមានហានិភ័យទាប និងការឆ្លងជម្ងឺកូវីដ-១៩តិច ។
![](https://asset.cambodia.gov.kh/provincial/sites/29/2021/09/238626060_4108344962627045_1104482020234832310_n-1.jpg)
![](https://asset.cambodia.gov.kh/provincial/sites/29/2021/09/240467375_4112141828914025_2575528807198060797_n.jpg)
![](https://asset.cambodia.gov.kh/provincial/sites/29/2021/09/240467375_4112141828914025_2575528807198060797_n.jpg)
![](https://asset.cambodia.gov.kh/provincial/sites/29/2021/09/240223023_4112143165580558_5348361685616199593_n.jpg)
![](https://asset.cambodia.gov.kh/provincial/sites/29/2021/09/240633426_4112142275580647_5720128098325396069_n.jpg)
![](https://asset.cambodia.gov.kh/provincial/sites/29/2021/09/240615757_4112142162247325_2255679426669703571_n.jpg)
![](https://asset.cambodia.gov.kh/provincial/sites/29/2021/09/240586444_4112143338913874_3685899370017937996_n.jpg)