ខេត្តកណ្តាល ៖ រសៀលថ្ងៃទី២៦ ខែឧសភា ឆ្នាំ២០២១ ឯកឧត្តម គង់ សោភ័ណ្ឌ អភិបាលខេត្តកណ្តាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត បានអញ្ជើញជួបសំណេះសំណាល ទទួលថវិកាពីមន្ទីរអង្គភាពមួយចំនួនជុំវិញខេត្ត និងសប្បុរសជន ជូនដល់សាខាកាកបាទក្រហមកម្ពុជាខេត្តកណ្តាល ក្នុងគោលបំណងចូលរួមចំណែកទ្រទ្រង់ដល់សកម្មភាពមនុស្សធម៌របស់កាកបាទក្រហមកម្ពុជា ពិសេសគឺក្នុងខួបលើកទី១៥៨ ទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ឆ្នាំ២០២១ ក្រោមប្រធានបទ "ទាំងអស់គ្នារួមគ្នាជាមួយកាកបាទក្រហមកម្ពុជា ប្រយុទ្ធជំងឺកូវីដ-១៩ និងកសាងភាពធន់របស់សង្គមជាតិ"។ឯកឧត្តម គង់ សោភ័ណ្ឌ អភិបាលខេត្តកណ្តាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត ក៏បានថ្លែងអំណរគុណដល់ មន្ទីរទាំងអស់ និងសប្បុរសជន ដែលបាននាំយកថវិកា ប្រគល់ជូនសាខាកាកបាទក្រហមកម្ពុជាខេត្តកណ្ដាលនៅពេលនេះ។ឯកឧត្តម បន្តថាថវិកា ដែលបានផ្ដល់ជូននៅពេលនេះ គឺពិតជាមានតម្លៃ និងឆ្លើយតបបានទាន់ពេលវេលា ក្នុងកាលៈទេសៈដែលខេត្តកណ្ដាល កំពុងប្រយុទ្ធប្រឆាំងនឹងជំងឺកូវីដ-១៩ ដែលបានរីករាលដាលនៅទូទាំងខេត្តកណ្ដាល ហើយតំបន់មួយចំនួន ត្រូវបានសម្រេចបិទខ្ទប់ ដោយមិនអនុញ្ញាតឱ្យប្រជាពលរដ្ឋ ចេញពីផ្ទះ និងបម្លាស់ទីពីផ្ទះមួយទៅផ្ទះមួយ ឬពីភូមិមួយទៅភូមិមួយឡើយ ដូច្នេះអំណោយទាំងអស់នេះ គឺពិតជាទាន់ពេលវេលា ក្នុងការជួយប្រជាពលរដ្ឋ ដែលកំពុងប្រឈមទៅនឹងការខ្វះស្បៀងអាហារផងដែរ។មន្ទីរអង្គភាព និងសប្បុរសជនដែលនាំយកថវិការួមមាន៖១.សាខាពន្ធដាខេត្តកណ្តាល ថវិកាចំនួន ២,០០០,០០០រៀល។២.មន្ទីរការងារ និងបណ្ដុះបណ្ដាលវិជ្ជាជីវៈខេត្តកណ្ដាល ថវិកាចំនួន ២០០០$។៣.មន្ទីរកសិកម្ម រុក្ខាប្រមាញ់ និងនេសាទខេត្តកណ្ដាល ថវិកាចំនួន ១៥០០$។៤.រដ្ឋបាលព្រៃឈើកណ្ដាល ថវិកាចំនួន ១០០០$។៥.រដ្ឋបាលជលផលកណ្ដាល ថវិកាចំនួន ១០០០$។៦.មន្ទីរវប្បធម៌ និងវិចិត្រសិល្បៈខេត្តកណ្ដាល ថវិកាចំនួន ២លាន ៤សែនរៀល។៧.មន្ទីរមុខងារសាធារណៈខេត្តកណ្ដាល ថវិកាចំនួន ២លាន ៤សែនរៀល។៨.លោកឧញ៉ា សុខ ស្រស់ ថវិកាចំនួន ៣០០០$។៩.ឯកឧត្ដម អ៊ុក ដាមរី ថវិកាចំនួន ២,០០០,០០០រៀល។
![](https://asset.cambodia.gov.kh/provincial/sites/29/2021/05/189725045_3835275516600659_288989280957916839_n-1024x682.jpg)
![](https://asset.cambodia.gov.kh/provincial/sites/29/2021/05/192233994_3835275729933971_4212345652787537975_n-1024x682.jpg)
![](https://asset.cambodia.gov.kh/provincial/sites/29/2021/05/186510052_3835276306600580_4610453973238979533_n-1024x682.jpg)
![](https://asset.cambodia.gov.kh/provincial/sites/29/2021/05/186530804_3835276396600571_8243455736817271883_n-1024x682.jpg)
![](https://asset.cambodia.gov.kh/provincial/sites/29/2021/05/186549874_3835232453271632_1027631253635075035_n-1-1024x682.jpg)
![](https://asset.cambodia.gov.kh/provincial/sites/29/2021/05/187147157_3835275773267300_3235620508898841409_n-1024x682.jpg)
![](https://asset.cambodia.gov.kh/provincial/sites/29/2021/05/191735026_3835275926600618_2382468565961972619_n-1024x682.jpg)
![](https://asset.cambodia.gov.kh/provincial/sites/29/2021/05/192126111_3835276459933898_2452343124215811821_n-1024x682.jpg)
![](https://asset.cambodia.gov.kh/provincial/sites/29/2021/05/186454809_3835277326600478_6662733654851259574_n-1024x682.jpg)
![](https://asset.cambodia.gov.kh/provincial/sites/29/2021/05/186486515_3835277439933800_1395661994314991493_n-1024x682.jpg)
![](https://asset.cambodia.gov.kh/provincial/sites/29/2021/05/186504717_3835276953267182_1752960630146216772_n-1024x682.jpg)
![](https://asset.cambodia.gov.kh/provincial/sites/29/2021/05/186511977_3835277246600486_32982880927427082_n-1024x682.jpg)
![](https://asset.cambodia.gov.kh/provincial/sites/29/2021/05/187384205_3835277143267163_5915986618859652525_n-1024x682.jpg)
![](https://asset.cambodia.gov.kh/provincial/sites/29/2021/05/186581586_3835276773267200_8490663076211373540_n-1024x682.jpg)