ខេត្តកណ្ដាល៖ ព្រឹកថ្ងៃទី១០ ខែឧសភា ឆ្នាំ២០២១ លោក គ្រុយ ម៉ាឡែន នាយករដ្ឋបាលខេត្តកណ្ដាល តំណាងឯកឧត្តម គង់ សោភ័ណ្ឌ អភិបាលខេត្តកណ្ដាល អញ្ជើញទទួលអំណោយ ម៉ាស ចំនួន ២៥០០០ម៉ាស និងអាល់កុល ចំនួន ១០០លីត្រ ពីអង្គការ ការីតាស់ សម្រាប់ប្រយុទ្ធប្រឆាំង និងការឆ្លងរាលដាលនូវជំងឺកូវីដ-១៩ ក្នុងភូមិសាស្ត្រខេត្តកណ្ដាល។
មានប្រសាសន៍នាឱកាសនោះដែរ លោក គ្រុយ ម៉ាឡែន តំណាង ឯកឧត្តម គង់ សោភ័ណ្ឌ អភិបាលខេត្តកណ្ដាល បានថ្លែងអំណរគុណដ៏ជ្រាលជ្រៅបំផុត ចំពោះទឹកចិត្តប្រកបដោយសប្បុរស ពោរពេញដោយសទ្ធាជ្រះថ្លារបស់ អង្គការ ការីតាស់ និងសហការី ដែលបានចំណាយនូវទ្រព្យសម្បត្តិផ្ទាល់ខ្លួន ក្នុងការជួយដល់សង្គមជាតិ តាមរយៈរដ្ឋបាលខេត្តកណ្ដាល ដែលនេះគឺជាកាយវិការឆ្លុះបញ្ចាំងពី គុណធម៌ សប្បុរសធម៌ ការចេះជួយគ្នាក្នុងគ្រាលំបាក ពិសេសបានទាន់ពេលវេលា។
លោកនាយករដ្ឋបាលបានសន្យាថា និងនាំយកសម្ភារៈទាំងអស់នេះ ប្រគល់ដល់ដៃប្រជាពលរដ្ឋ និងអ្នកដែលរងប៉ះពាល់ ដោយផ្ទាល់ និងប្រយោល ក្នុងព្រឹត្តិការណ៍សហគមន៍ ២០ កុម្ភៈ ក្នុងភូមិសាស្ត្រខេត្តកណ្ដាល។
![](https://asset.cambodia.gov.kh/provincial/sites/29/2021/05/184266610_3787287148066163_7840640772244559029_n.jpg)
![](https://asset.cambodia.gov.kh/provincial/sites/29/2021/05/184432981_3787287664732778_4326724075998048165_n.jpg)
![](https://asset.cambodia.gov.kh/provincial/sites/29/2021/05/183790921_3787287241399487_7837100302352321210_n.jpg)
![](https://asset.cambodia.gov.kh/provincial/sites/29/2021/05/181415934_3787287331399478_1379704679704018457_n.jpg)
![](https://asset.cambodia.gov.kh/provincial/sites/29/2021/05/184661604_3787287478066130_1124860061139047063_n.jpg)
![](https://asset.cambodia.gov.kh/provincial/sites/29/2021/05/182030895_3787287524732792_7045429070212029911_n.jpg)
![](https://asset.cambodia.gov.kh/provincial/sites/29/2021/05/184438769_3787287738066104_2714900276075244218_n.jpg)