ខេត្តកណ្តាល៖ លោកឧកញ៉ា ស្រី ចាន់ថន រួមទាំងអាជ្ញាធរក្រុងតាខ្មៅ អាជ្ញាធរសង្កាត់ និងក្រុមការងារ បានអញ្ជើញចែកអំណោយជាគ្រឿងឧបភោគបរិភោគ ចែកជូនដល់បងប្អូនប្រជាពលរដ្ឋដែលមានជីវភាពខ្វះខាតក្នុងអំឡុងពេលនៃការបិទខ្ទប់ការឆ្លងរីករាលដាល នៃជំងឺកូវីដ១៩ ដែលស្ថិតក្នុងសង្កាត់ កំពង់សំណាញ់ ក្រុងតាខ្មៅខេត្តកណ្តាល ចំនួនជាង២០០គ្រួសារ នាព្រឹកថ្ងៃទី៣០ មេសា ឆ្នាំ ២០២១។
លោកឧកញ៉ា មានប្រសាសន៍ថានៅក្នុងដំណាក់កាលដ៏លំបាកនេះ ក្រោមការគិតគូរយ៉ាងយកចិត្តទុក្ខដាក់ពីប្រមុខរាជរដ្ឋាភិបាល ក្នុងការបញ្ចប់នូវព្រឹត្តិការណ៍ ២០កុម្ភៈ នេះបាន គឺត្រូវទាមទាឲ្យមានការចូលរួមពីសំណាក់បងប្អូនទាំងអស់គ្នា ដើម្បីឲ្យស្ថានភាពបិទខ្ទប់នេះវិលមករកស្ថានភាពធម្មតាវិញ។
លោកឧកញ៉ា បានធ្វើការសំណូមពរឲ្យបងប្អូនប្រជាពលរដ្ឋទាំងអស់ សូមមានការអត់ធ្មត់ និងគោរពតាមវិធានការ ៣ការពារ ៣កុំ និងអនុវត្តឲ្យបានតាមសេចក្តីសម្រេចស្តីពីវិធានការដែលត្រូវអនុវត្តក្នុងអំឡុងពេលបិទខ្ទប់ក្នុងភូមិសាស្រ្ត រាជធានីភ្នំពេញ និងក្រុងតាខ្មៅ នៃខេត្តកណ្តាល អោយបានគ្រប់ៗគ្នាដើម្បីទប់ស្កាត់ការឆ្លងរីករាលដាលជំងឺកូវីដ១៩ នៅក្នុងសហគមន៍របស់យើង។
សូមបញ្ជាក់ថាអំណោយដែលចែកជូនប្រជាពលរដ្ឋដែលមានជីវភាពខ្វះខាតរួមមាន៖ ទឹកត្រីមួយយួរ, ទឹកស៊ីអ៉ីវមួយយួរ, ត្រីងៀត១គីឡូ ,អង្ករ១០គីឡូ, ត្រីខ១០កំប៉ុង, និងមី២៥កញ្ចប់ និងបានឧបត្ថម្ភនូវ អាល់កុលចំនួន៦កានដល់សាលាសង្កាត់កំពង់សំណាញ់ផងដែរ។
![](https://asset.cambodia.gov.kh/provincial/sites/29/2021/04/180488512_3758764774251734_4279449857667506448_n.jpg)
![](https://asset.cambodia.gov.kh/provincial/sites/29/2021/04/180948081_3758765974251614_339758075385391951_n.jpg)
![](https://asset.cambodia.gov.kh/provincial/sites/29/2021/04/180656993_3758764700918408_8027585594256759746_n.jpg)
![](https://asset.cambodia.gov.kh/provincial/sites/29/2021/04/180920669_3758765387585006_2822420566148993156_n.jpg)
![](https://asset.cambodia.gov.kh/provincial/sites/29/2021/04/180917280_3758766107584934_106769807709846508_n.jpg)
![](https://asset.cambodia.gov.kh/provincial/sites/29/2021/04/180800814_3758765884251623_6792868054273088662_n.jpg)
![](https://asset.cambodia.gov.kh/provincial/sites/29/2021/04/180619233_3758765527584992_5726310871265482726_n.jpg)
![](https://asset.cambodia.gov.kh/provincial/sites/29/2021/04/180460224_3758764854251726_1973259084629464066_n.jpg)
![](https://asset.cambodia.gov.kh/provincial/sites/29/2021/04/180089922_3758765087585036_7474210796397229419_n.jpg)
![](https://asset.cambodia.gov.kh/provincial/sites/29/2021/04/179748229_3758765777584967_2172115436587752405_n.jpg)
![](https://asset.cambodia.gov.kh/provincial/sites/29/2021/04/179718455_3758764967585048_4060379816428662156_n.jpg)
![](https://asset.cambodia.gov.kh/provincial/sites/29/2021/04/179619602_3758765217585023_1893163596074361437_n.jpg)