រដ្ឋបាលខេត្តកណ្តាល

Kandal Administration
ស្វែងរក

ឯកឧត្ដម គង់ សោភ័ណ្ឌ អភិបាលខេត្តកណ្ដាល ចុះសំណេះសំណាលសួរសុខទុក្ខ កងកម្លាំងគ្រប់ប្រភេទ អាជ្ញាធរស្រុក កំពុងឈរជើងប្រចាំការនៅ រោងចក្រ ម៉ាស្ទ័រ អេនហ្វ្រែង

ខេត្តកណ្តាល៖ យប់ថ្ងៃទី២៧ ខែមេសា ឆ្នាំ២០២១ ឯកឧត្ដម គង់ សោភ័ណ្ឌ អភិបាលខេត្តកណ្ដាល ចុះសំណេះសំណាលសួរសុខទុក្ខ កងកម្លាំងគ្រប់ប្រភេទ អាជ្ញាធរស្រុក កំពុងឈរជើងប្រចាំការនៅ រោងចក្រ ម៉ាស្ទ័រ អេនហ្វ្រែង ដែលត្រូវបានប្រែក្លាយជាទីកន្លែងសម្រាប់ព្យាបាលអ្នកជំងឺកូវីដ-១៩ និងជាមណ្ឌលចត្តាឡីស័ក សម្រាប់អ្នកជាប់ពាក់ព័ន្ធដោយផ្ទាល់ជាមួយអ្នកជំងឺកូវីដ-១៩។ឆ្លៀតក្នុងឱកាសនេះដែរ ឯកឧត្ដមអភិបាលខេត្ត បានបន្តដឹកនាំកិច្ចប្រជុំ ដាក់ផែនការ ដល់ក្រុមការងារពាក់ព័ន្ធ បន្តយកចិត្តទុកដាក់ក្នុងការពន្លឿនការយកសំណាក បងប្អូនកម្មករ និយោជិត គ្រប់រោចក្រទាំងអស់នៅក្នុងមូលដ្ឋានស្រុកអង្គស្នួល និងបន្តគ្រប់គ្រងកំណត់មុខសញ្ញាអ្នកសង្ស័យពាក់ព័ន្ធផ្ទាល់យកសំណាកធ្វើតេស្ត និងនាំយកមកធ្វើចត្តាឡីស័កនៅ ទីតាំងមណ្ឌល រីឯអ្នកពាក់ព័ន្ធប្រយោល ត្រូវដាក់ឲ្យធ្វើចត្តាឡីស័កនៅតាមផ្ទះ ដោយមានការការពារគ្រប់គ្រង ឃ្លាំមើលពីកម្លាំងសមត្ថកិច្ច និងប្រជាការពារឲ្យបានម៉ត់ចត់ ជាងនេះទៅទៀត អាជ្ញាធរក៏ត្រូវតែប្រមូលយកក្រុមអ្នកបើកបររថយន្តដឹកកម្មករ និងបុគ្គលិកផ្នែកអនាម័យ ធ្វើតេស្តរកមេរោគកូវីដ-១៩ ផងដែរ បើពួកមិនចូលរួមសហការជាមួយអាជ្ញាធរនោះទេ នឹងមិនអនុញ្ញាតឲ្យពួកគាត់បន្ត ប្រកបរបរនេះបន្តទៀតបានទេ។

បន្ថែមលើការកិច្ចការទាំងនេះដែលត្រូវអនុវត្តភ្លាមៗ អាជ្ញាធរពាក់ព័ន្ធត្រូវក្តាប់ស្ថិតិកម្មករ និយោជិត មួយចំនួនមិនព្រមចូលរួមផ្តល់សំណាករកមេរោគទេ គឺត្រូវឃ្លាំមើល និងប្រមូលស្រង់យកនូវទិន្នន័យ អ្នកជំងឺ ឬអ្នកដែលទៅទិញថ្នាំពីគ្លីនិកឯកជន ឬឱសថស្ថាននានា នៅក្នុងមូលដ្ឋានរៀងៗខ្លួន ក្នុងករណីរកឃើញថា មានអ្នកជំងឺកូវីដ-១៩ ទៅគ្លីនិក ឬឱសថស្ថាននោះ ត្រូវបិទភ្លាមតែម្តង រីឯរោងចក្រក៏ដូច្នោះដែរ ប្រសិនបើរកឃើញថាកម្មករ និយោជិតមានជំងឺកូវីដ-១៩ ក៏នឹងត្រូវបិទជាបណ្តោះអាសន្នផងដែរ។

អត្ថបទទាក់ទង