ខេត្តកណ្តាល៖ នារសៀលថ្ងៃទី២៣ ខែកក្កដា ឆ្នាំ២០២៦ ដោយមានការណែនាំពីឯកឧត្តម គួច ចំរើន អភិបាលនៃគណៈអភិបាលខេត្ត ឯកឧត្ដម ណុប ដារ៉ា អភិបាលរងខេត្ត បានដឹកនាំ កិច្ចប្រជុំ និងត្រួតពិនិត្យរដ្ឋបាលនៅក្នុងបរិវេណ វិទ្យាល័យ ហ៊ុនសែន រ៉ូតា និងតំបន់ព័ទ្ធជុំវិញ សម្រាប់ពិធីចែកវិញ្ញាបនបត្រសម្គាល់អចលនវត្ថុជូនប្រជាពលរដ្ឋ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ស្ថិតនៅភូមិសន្លុង ឃុំសន្លុង ស្រុកខ្សាច់កណ្តាល ខេត្តកណ្តាល។