++++++++ខេត្តកណ្តាល៖ រសៀលថ្ងៃទី៤ ខែឧសភា ឆ្នាំ២០២៦ ឯកឧត្តម តាំង ម៉េងលាន អភិបាលរងខេត្តកណ្តាល បានអញ្ជើញចូលរួមក្នុងសិក្ខាសាលា ស្តីពីការផ្ទៀងផ្ទាត់ទិន្នន័យ និងការពិគ្រោះយោបល់សេចក្តីព្រាងប្លង់គោលប្រេីប្រាស់ដី និងផែនការប្រេីប្រាស់ដីក្រុងអរិយក្សត្រ ខេត្តកណ្តាលក្រោមធិបតីភាព ឯកឧត្តម ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងឯកឧត្តម ឈឿន ប៊ុណ្ណារ័ត្ន រដ្ឋលេខាធិការក្រសួងដែនដី នគររូបនីយកម្ម និងសំណង់ សិក្ខាសាលានេះប្រារព្ធធ្វេីឡេីងនៅសាលប្រជុំសាលាក្រុងអរិយក្សត្រ ខេត្តកណ្តាល។ មានប្រសាសន៍ក្និងឱកាសនោះ ឯកឧត្តម ប៉ែន សុផល រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់បានបញ្ជាក់ថា៖ សិក្ខាសាលានេះរៀបចំឡើងក្នុងគោលបំណង ដើម្បីប្រមូលធាតុចូល បង្ហាញលទ្ធផលនៃការសិក្សា និងផ្ទៀងផ្ទាត់ទិន្នន័យបច្ចេកទេស ដើម្បីធានាថាការអភិវឌ្ឍ ក្រុងអរិយក្សត្រ ដែលជាក្រុងទើបបង្កើតថ្មី ប្រកបដោយនិរន្តរភាព សោភ័ណភាព និងសណ្តាប់ធ្នាប់ល្អ។ ឯកឧត្តម រដ្ឋលេខាធិការបានលើកឡើងថា ៖ ក្រុងអរិយក្សត្រមានសក្តានុពលខ្ពស់ផ្នែកភូមិសាស្ត្រ ដោយសារស្ថិតនៅកៀកនឹងរាជធានីភ្នំពេញ និងអមដោយដងទន្លេ ដែលទាមទារឱ្យមានការរៀបចំឱ្យបានហ្មត់ចត់បំផុត។ ឯកឧត្តមរដ្ឋលេខាធិការ បានណែនាំដល់ក្រុមការងារបច្ចេកទេស និងអាជ្ញាធរមូលដ្ឋាន ត្រូវបន្តសហការគ្នាយ៉ាងជិតស្និទ្ធ ដើម្បីប្រមូលរាល់ធាតុចូល យកមកបញ្ចូលក្នុងផែនការមេនេះ ដើម្បីឱ្យប្លង់គោលនេះក្លាយជាផែនទីបង្ហាញផ្លូវដ៏ពិតប្រាកដសម្រាប់ការអភិវឌ្ឍសេដ្ឋកិច្ច និងសង្គមនៅក្នុងតំបន់។ សូមបញ្ជាក់ថា៖ ចំណុចសំខាន់ៗនៃប្លង់គោលដែលត្រូវបានពិភាក្សាគឺ៖ការបែងចែកតំបន់ប្រើប្រាស់ដី,រៀបប្រព័ន្ធហេដ្ឋារចនាសម្ព័ន្ធ, ការអភិរក្ស និងបរិស្ថាន,ការផ្ទៀងផ្ទាត់ទិន្នន័យជាដើម។