ខេត្តកណ្តាល៖ ព្រឹកថ្ងៃទី០៤ ខែកុម្ភៈ ឆ្នាំ២០២៦ ឯកឧត្តម ប្រាក់ សារ៉ាត អភិបាលរងខេត្តកណ្តាល តំណាង ឯកឧត្តម គួច ចំរើន អភិបាលនៃគណៈអភិបាលខេត្តកណ្តាល បានអញ្ជើញចុះពិនិត្យទីតាំងស្នើសុំវិនិយោគ បង្កើតរោងចក្រផ្គុំ និងដំឡើងស៊ីឡាំងអ៊ីដ្រូលីក របស់ក្រុមហ៊ុន (ZHONGXIN HYDRAULIC MACHINERY CO., LTD.) ដែលមានទីតាំងស្ថិតនៅគីឡូម៉ែត្រលេខ៤ ផ្លូវជាតិលេខ៤១ ភូមិពន្លឺ ឃុំលំហាច ស្រុកអង្គស្នួល ខេត្តកណ្តាល ដោយមានការចូលរួមពីអាជ្ញាធរ មន្ទីរពាក់ព័ន្ធ និងមន្ត្រីជំនាញផងដែរ។សូមបញ្ជាក់ថា៖ រោងចក្រនេះពេលចាប់ផ្ដើមមានតម្រូវការពលកម្មចំនួន ២១០នាក់ ក្នុងនោះបរទេសចំនួន ១០នាក់ និងពេលពេញសមត្ថភាពមានតម្រូវការ ចំនួន ២៣៦នាក់ ក្នុងនោះបរទេសចំនួន ១០នាក់។