ខេត្តកណ្តាល ៖ ព្រឹកថ្ងៃទី០៧ ខែតុលា ឆ្នាំ២០២៥ ឯកឧត្តម ឌឹម បូរ៉ា អភិបាលរងខេត្តកណ្តាល បានដឹកនាំ កិច្ចប្រជុំត្រួតពិនិត្យការឆ្លើយបំភ្លឺ លើរបាយការណ៍របស់អាជ្ញាធរសវនកម្មជាតិ និងត្រៀមកិច្ចប្រជុំជាមួយ អគ្គសវនកម្មផ្ទៃក្នុងរបស់ ក្រសួងមហាផ្ទៃ សម្រាប់ការិយបរិច្ឆេទ២០២៤។«យន្តការនៃការធ្វើសវនកម្ម ឬការត្រួតពិនិត្យ គឺមិនអាចអត់បាន ក្នុងកាលៈទេសៈកំណែទម្រង់ ដែលធ្វើឱ្យអភិបាលកិច្ចកាន់តែល្អប្រសើរ ស្របតាមយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាល នីតិកាលទី៧»។