ខេត្តកណ្តាល ៖ រសៀលថ្ងៃ២៦ ខែឧសភា ឆ្នាំ២០២២នេះ ឯកឧត្តម នូវប៉េង ចន្ទតារា អភិបាលរងខេត្តកណ្តាល បានដឹកនាំក្នុងកិច្ចប្រជុំពិនិត្យពិភាក្សា លើការងាររៀបចំគម្រោងប្លង់ហេដ្ឋារចនាសម្ព័ន្ធនៅក្នុងស្រុកល្វាឯម និងស្រុកខ្សាច់កណ្ដាល ដោយមានការចូលរួមពី លោកអភិបាលរង ស្រុកល្វាឯម និងស្រុកខ្សាច់កណ្ដាល អង្គភាពជំនាញ និងមន្ត្រីពាក់ព័ន្ធផងដែរ។ក្នុងកិច្ចប្រជុំនេះ ឯកឧត្តម នូវប៉េង ចន្ទតារា បានមានប្រសាសន៍ថា កិច្ចប្រជុំនេះមានសារៈសំខាន់ណាស់ គឺជាការចូលរួមប្រមូលមតិឯកភាពពីមន្ទីរជំនាញ និងអាជ្ញាធរពាក់ព័ន្ធក្នុងការពិនិត្យពិភាក្សា កែតម្រូវទៅលើភាពជាក់ស្ដែងនៅលើប្លង់គោល ដោយធ្វើយ៉ាងណាឱ្យដំណើរការគម្រោងនេះសម្រេចបានឆាប់រហ័ស ដើម្បីបំរើផលប្រយោជន៍ជូនប្រជាពលរដ្ឋ។
