ខេត្តកណ្តាល៖ព្រឹកថ្ងៃទី១៩ ខែមេសា ឆ្នាំ២០២២ មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកណ្តាល បានប្រារព្ធពិធីបិទផ្សាយជាសាធារណៈនូវឯកសារនៃការវិនិច្ឆ័យមានលក្ខណៈជាប្រព័ន្ធចំនួន ០១ភូមិ គឺភូមិគីរីថ្មី ឃុំសំរោងលើ ស្រុកអង្គស្នួល ខេត្ដកណ្ដាល ក្រោមអធិបតីភាពលោក ដាវ បុត្ររង្សី អភិបាលរងស្រុកអង្គស្នួល និងលោក ព្រំ ឆាត អនុប្រធានមន្ទីរ រៀបចំដែនដី នគរូបនីយកម្ម សំណង់ និងសុរិយោដីខេត្តកណ្តាល ដែលមានទីតាំងនៅស្នាក់ការភូមិគីរីថ្មី ស្ថិតនៅក្នុងភូមិគីរីថ្មី ឃុំសំរោងលើ ស្រុកអង្គស្នួល ខេត្តកណ្ដាល ដែលមានរយៈពេល ១៥ថ្ងៃ គិតចាប់ពីថ្ងៃទី១៩ ខែមេសា ឆ្នាំ២០២២ ដល់ថ្ងៃទី០៣ ខែឧសភា ឆ្នាំ២០២២ ជាកំហិត ដែលមានក្បាលដីសរុបចំនួន ១,២០១ ក្បាលដី។