ខេត្តកណ្តាល៖ ព្រឹកថ្ងៃទី៥ ខែមេសា ឆ្នាំ២០២២ ឯកឧត្តម ប្រាក់ សារ៉ាត់ អភិបាលរងខេត្តកណ្តាល បានដឹកនាំកិច្ចប្រជុំអនុគណៈកម្មាការកីឡា និងល្បែងប្រជាប្រិយ សំរាប់ចូលរួមអបអរសាទរសង្ក្រានឆ្នាំថ្មី ដែលប្រារព្ធធ្វើឡើងនៅក្រុងតាខ្មៅ ដោយមានចូលរួមពីបណ្តាមន្ទីរ អង្គភាពពាក់ព័ន្ឋ។ឯកឧត្តម ប្រាក់ សារ៉ាត់ អភិបាលរងខេត្តកណ្តាល បានសំណូមពរដល់ក្រុមការងារអនុគណៈកម្មារត្រូវយកចិត្តទុកដាក់បន្ថែមទៀតលើការងាររបស់ខ្លួន ដើម្បីរៀបចំអោយដំណើរការល្បែងប្រជាប្រិយ ដែលមានមន្ទីរវប្បធម៌ជាសេនាធិការ ហើយផ្នែកកីឡាមន្ទីរអប់រំធ្វើយ៉ាងណាបំផុសចលនាសម្មភាពល្បែងប្រជាប្រិយ៏ និងកីឡាអោយបានផុលផុស ជាពិសេសកៀងគរយុវជនប្រជាពលរដ្ឋអោយគាត់ចូលរួមលេងសប្បាយ។