++++++++++++++++ខេត្តកណ្ដាល ៖ រសៀលថ្ងៃទី១ ខែមេសា ឆ្នាំ២០២២ ឯកឧត្តម នូវប៉េង ច័ន្ទតារា អភិបាលរងខេត្តកណ្តាល តំណាងដ៏ខ្ពង់ខ្ពស់ ឯកឧត្តម គង់ សោភ័ណ្ឌ អភិបាលខេត្តកណ្តាល និងឯកឧត្តម បួន ហេង អគ្គលេខាធិការរងនៃអគ្គលេខាធិការដ្ឋាន នៃគណៈកម្មាធិការគ្រប់គ្រងសំរាម សំណល់រឹងទីប្រជុំជន និងជាប្រធាននាយកដ្ឋានមុខងារ និងធនធាន នៃអគ្គនាយកដ្ឋានរដ្ឋបាលក្រសួងមហាផ្ទៃបានអញ្ជើញជាអធិបតីក្នុងពិធីបិទវគ្គបណ្ដុះបណ្ដាល អំពីរបៀបប្រើប្រាស់កម្មវិធីព័ត៌មានវិទ្យាសម្រាប់គ្រប់គ្រង និងផ្ដល់សេវានៅការិយាល័យច្រកចេញចូលតែមួយ នៃរដ្ឋបាល ក្រុង-ស្រុក ឆ្នាំ២០២២ ជូនដល់សិក្ខាកាម ជាប្រធាន អនុប្រធានការិយាល័យ និងមន្រ្តីជួរមុខ នៃការិយាល័យច្រកចេញចូលតែមួយរដ្ឋបាលក្រុង ស្រុកទាំង១១ ក្នុងខេត្តកណ្តាល។ ឯកឧត្តម បួន ហេង អគ្គលេខាធិការរងនៃអគ្គលេខាធិការដ្ឋាន នៃគណៈកម្មាធិការគ្រប់គ្រងសំរាម សំណល់រឹងទីប្រជុំជន និងជាប្រធាននាយកដ្ឋានមុខងារ និងធនធាន នៃអគ្គនាយកដ្ឋានរដ្ឋបាលក្រសួងមហាផ្ទៃ បានមានប្រសាសន៍ថា៖ ក្រោយពីទទួលបានវគ្គបណ្តុះបណ្តាលនេះអស់រយៈពេលចំនួន៣ថ្ងៃមកនេះសិក្ខាកាមទាំងអស់ដែលមកតាមបណ្តាក្រុង-ស្រុកទាំង១១ និងយល់ច្បាស់ពីរបៀបប្រើប្រាស់កម្មវិធីព័ត៌មានវិទ្យាសម្រាប់គ្រប់គ្រង និងផ្ដល់សេវានៅការិយាល័យច្រកចេញចូលតែមួយ និងមានភាពងាយស្រួលក្នុងការបញ្ចូលទិន្នន័យ គ្រប់គ្រងទិន្នន័យដែលត្រូវបានអនុវត្តជាប្រចាំថ្ងៃនៅក្នុងអង្គភាពរបស់ខ្លួន។ ឯកឧត្តម បានបន្តថា ជាមួយនឹងការវិវឌ្ឍឥតឈប់ឈរ និងការរីកចំរើននៃយុគសម័យឌីជីថល ឬឧស្សាហកម្ម ៤.០ ការប្រើប្រាស់បច្ចេកវិទ្យាក្នុងការជួយសម្រួលដល់ការបំពេញការងារប្រចាំថ្ងៃ បានរួមចំណែកយ៉ាងសំខាន់ក្នុងការផ្ដល់តម្លាភាពរវាងអ្នកផ្ដល់សេវា និងប្រជាពលរដ្ឋ ឆ្លើយតបយ៉ាងឆាប់រហ័សទៅនឹងតម្រូវការរបស់ប្រជាពលរដ្ឋពិតប្រាកដ និងជាពិសេសការធ្វើទំនើបកម្មការងាររបស់មន្ត្រីរាជការនាពេលបច្ចុប្បន្នមិនចាញ់វិស័យឯកជននានាឡើយ។ ឯកឧត្តម បានកោតសរសើរ និងវាយតំលៃខ្ពស់ក្នុងការបិទវគ្គបណ្តុះបណ្តាលប្រព្រឹត្តទៅដោយរលូន និងទទួលបានលទ្ធផលគួរជាទីមោទនៈព្រមទាំងបានណែនាំដល់សិក្ខាកាមទាំងអស់ អោយយកចិត្តទុកដាក់បន្តសិក្សាស្វែងយល់តាមរយៈសិក្សាពីប្រព័ន្ធព័ត៌មានវិទ្យាសម្រាប់គ្រប់គ្រង និងផ្តល់សេវា នៅការិយាល័យច្រកចេញចូលតែមួយនៃរដ្ឋបាលក្រុង ស្រុក បន្ថែម និងត្រៀមខ្លួនបណ្តុះបណ្តាលបន្តដល់មន្ត្រីពាក់ព័ន្ធដទៃទៀត៕
![](https://asset.cambodia.gov.kh/provincial/sites/29/2022/04/277226284_287584413549908_9023707126559812610_n-6.jpg)
![](https://asset.cambodia.gov.kh/provincial/sites/29/2022/04/277812132_288230516818631_1418445444069232777_n.jpg)
![](https://asset.cambodia.gov.kh/provincial/sites/29/2022/04/277735722_288230803485269_2832076991402853575_n.jpg)
![](https://asset.cambodia.gov.kh/provincial/sites/29/2022/04/277802274_288231430151873_1371071885901879268_n.jpg)
![](https://asset.cambodia.gov.kh/provincial/sites/29/2022/04/277811297_288231843485165_4652885726520708084_n.jpg)
![](https://asset.cambodia.gov.kh/provincial/sites/29/2022/04/277809373_288231000151916_1027848855243041375_n.jpg)