++++++++++ខេត្តកណ្តាល៖រសៀលថ្ងៃទី៣១ ខែមីនា ឆ្នាំ២០២២ ឯកឧត្តម តាំង ម៉េងលាន អភិបាលរងខេត្តកណ្តាល បានដឹកនាំកិច្ចប្រជុំអនុគណៈកម្មការឃោសនាផ្សព្វផ្សាយអនាម័យបរិស្ថាន និងរៀបចំតាំងពិព័ណ៌នានា នៅសាលប្រជុំសាលាខេត្ត។ក្នុងកិច្ចប្រជុំនេះមានការអញ្ជើញចូលរួមពីលោក នាយករដ្ឋបាលសាលាខេត្ត លោកប្រធានអនុប្រធានមន្ទីរ-អង្គភាពដែលពាក់ព័ន្ធ។ មានប្រសាសន៍ក្នុងឱកាសនេះ ឯកឧត្តមតាំង ម៉េងលាន អភិបាលរងខេត្ត បានមានប្រសាសន៍ថា៖ក្រុមការងារទាំងអស់ ត្រូវខិតខំយកចិត្តទុកដាក់ អនុវត្តតួនាទីភារកិច្ចដូចមានកំណត់ក្នុងអនុគណៈកម្មការអោយបានល្អប្រសើរ ចាត់ចែងរៀបចំកិច្ចប្រជុំធ្វើផែនការអោយបានលម្អិត ដើម្បីរៀបចំកម្មវិធីសង្ក្រាន្តខេត្តកណ្តាលអោយបានរលូនតាមការគ្រោងទុក ដែលនឹងប្រារព្ធធ្វើនៅថ្ងៃទី១៣-១៤-១៥-១៦ ខែមេសា ឆ្នាំ២០២២ខាងមុខ ដោយត្រូវរៀបចំភ្លើងលំអរតាមដងផ្លូវ រៀបចំស្តង់ពិព័ណ៌អោយមានសោភ័ណ្ឌភាព រៀបចំបង្គន់អនាម័យនៅតាមធីសាធារណៈដើម្បីអោយទទួលបានលទ្ធផលជោគជ័យ និងបង្កភាពសប្បាយរីករាយជូនបងប្អូនប្រជាពលរដ្ឋបានទស្សនា និងលេងកម្សាន្តប្រកបដោយសន្តិសុខ សុវត្ថិភាពល្អប្រសើរ៕
![](https://asset.cambodia.gov.kh/provincial/sites/29/2022/04/277226284_287584413549908_9023707126559812610_n-3-1024x683.jpg)
![](https://asset.cambodia.gov.kh/provincial/sites/29/2022/04/277769894_287720933536256_287684590847468280_n-1024x683.jpg)
![](https://asset.cambodia.gov.kh/provincial/sites/29/2022/04/277777251_287721553536194_2239930868845229484_n-1024x683.jpg)
![](https://asset.cambodia.gov.kh/provincial/sites/29/2022/04/277706652_287721233536226_979449636110960186_n-1024x683.jpg)
![](https://asset.cambodia.gov.kh/provincial/sites/29/2022/04/277350023_287721443536205_2473949847369188803_n-1024x683.jpg)
![](https://asset.cambodia.gov.kh/provincial/sites/29/2022/04/277762508_287721160202900_1586493203714287681_n-1024x683.jpg)