រដ្ឋបាលខេត្តកណ្តាល

Kandal Administration
ស្វែងរក

កិច្ចប្រជុំបូកសរុបលទ្ធផលការងារប្រចាំឆ្នាំ២០២១ និងទិសដៅអនុវត្តបន្ត ឆ្នាំ២០២២ របស់ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ប្រចាំខេត្តកណ្ដាល

+++++++ខេត្តកណ្តាល៖ ក្រុមការងារគ្រូពេទ្យស្ម័គចិត្ត ឯកឧត្តម ហ៊ុន ម៉ានី បាននិងកំពុងខិតខំយ៉ាងខ្លាំង ក្នុងការព្យាបាលជំងឺទូទៅជូនប្រជាពលរដ្ឋដោយឥតគិតថ្លៃ សំដៅលើកកម្ពស់សុខុមាលភាពប្រជាពលរដ្ឋ និងចូលរួមចំណែកកាត់បន្ថយភាពក្រីក្ររបស់ប្រជាពលរដ្ឋ ស្របទៅតាមគោលដៅអភិវឌ្ឍន៍ប្រកបដោយចីរភាពរបស់រាជរដ្ឋាភិបាល នៃព្រះរាជាណាចក្រកម្ពុជា ជាពិសេសក្រុមការងារគ្រូពេទ្យស្ម័គចិត្ត ឯកឧត្តម ហ៊ុន ម៉ានី បានចូលរួមយ៉ាងសកម្មក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ក្នុងក្របខណ្ឌទូទាំងប្រទេស ដោយឥតគិត ថវិកាបេសកកម្ម ដែលជាបេសកកម្មដ៏មានសារសំខាន់ក្នុងការទប់ស្កាត់ ប្រយុទ្ធប្រឆាំងជំងឺនេះ មិនឱ្យរីករាលដាលចូលក្នុងសហគមន៍។ឯកឧត្តម លេង ផាលី រដ្ឋលេខាធិការក្រសួងផែនការ និងជាប្រធានក្រុមប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានថ្លែងដូច្នេះនៅក្នុងកិច្ចប្រជុំបូកសរុបលទ្ធផលការងារប្រចាំឆ្នាំ២០២១ និងទិសដៅអនុវត្តបន្ត ឆ្នាំ២០២២ របស់ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ប្រចាំខេត្តកណ្ដាល កាលពីរសៀលថ្ងៃទី៩ ខែមិនា ឆ្នាំ២០២២ ដោយមានការចូលរួមពីសំណាក់ ឯកឧត្តមបណ្ឌិត ម៉ៅ ភិរុណ ប្រធានក្រុមប្រឹក្សា ឯកឧត្តម គង់ សោភ័ណ្ឌ អភិបាលខេត្តកណ្តាល ព្រមទាំង ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត លោក លោកស្រី ប្រធានមន្ទីរអង្គភាពជុំវិញខេត្ត អភិបាលក្រុង-ស្រុកទាំង១១ និងក្រុមគ្រូពេទ្យស្ម័គ្រចិត្តសរុបចំនួន ៥២០រូប។ឯកឧត្តមបានបន្តថា ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានបង្កើតឡើងមានរយៈពេល ១០ឆ្នាំហើយ ដែលបានបង្កើតនៅថ្ងៃ០២ ខែធ្នូ ឆ្នាំ២០១២ ក្នុងរយៈពេល ១០ឆ្នាំនេះ ក្រោមការដឹកនាំចង្អុលបង្ហាញដោយផ្ទាល់ និងការឧបត្ថម្ភគាំទ្រទាំងស្មារតី និងសម្ភារៈ ពីសំណាក់ ឯកឧត្តមប្រធាន ហ៊ុន ម៉ានី ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានពិនិត្យ និងព្យាបាលជំងឺ ទូទៅជូនប្រជាពលរដ្ឋ ដោយឈរលើរបេសកកម្មមនុស្សធម៌ ពិនិត្យ ព្យាបាលជំងឺជូនបងប្អូនប្រជាពរដ្ឋដោយឥតគិតថ្លៃនៅទូទាំង រាជធានី-ខេត្ត ដោយពុំគិតពីនិន្នាការនយោបាយ មិនប្រកាន់បក្សពួក ពណ៌សម្បុរ ឬសាសនាអ្វីឡើយ គឺធ្វើឡើងដោយក្តីស្រឡាញ់បងប្អូនប្រជាពលរដ្ឋ ក្នុងនាមជាខ្មែរដូចគ្នា ខ្មែរស្រឡាញ់ខ្មែរ ខ្មែររួបរួមគ្នាតែមួយ។ក្នុងពិធីនេះដែរ ឯកឧត្តម គង់ សោភ័ណ្ឌ អភិបាលខេត្តកណ្ដាល បានមានប្រសាសន៍ថា សកម្មភាពរបស់ក្រុមគ្រូពេទ្យស្ម័គ្រចិត្តទាំងអស់ ដែលបានសហការរៀបចំពិធីពិនិត្យ ព្យាបាល និង ផ្តល់ថ្នាំដោយឥតគិតថ្លៃ ជូនដល់ប្រជាពលរដ្ឋនៅក្នុងភូមិសាស្ត្រខេត្តកណ្តាលនាពេលកន្លងមកនេះ ពិតជាមាន សារ:សំខាន់ណាស់ ដែលបង្ហាញពីសមត្ថភាព និងសុឆន្ទៈដ៏មុតស្រួច ក្នុងការឆ្លើយតបតាមគ្រប់ មធ្យោបាយដើម្បីបង្ការ និងគ្រប់គ្រងជំងឺក្នុងសហគមន៏ ជាមួយរាជរដ្ឋាភិបាល ពីព្រោះថាបញ្ហាសុខភាពគឺជាកត្តាសំខាន់ណាស់សម្រាប់ប្រជាពលរដ្ឋ។ឯកឧត្តមអភិបាលខេត្ត បានថ្លែងការកោតសរសើរ និងវាយតំលៃខ្ពស់ ដល់ កិច្ចខិតខំប្រឹងប្រែងរបស់ក្រុមការងារគ្រូពេទ្យជាពិសេសក្រុមគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ប្រចាំខេត្តកណ្តាល ដែលបានអនុវត្តសកម្មភាពការងារដោយការយកចិត្តទុកដាក់ និងការទទួលខុសត្រូវខ្ពស់នា ពេលមកន្លងមក ។ ឯកឧត្តមអភិបាល បានប្ដេជ្ញាថា រដ្ឋបាលខេត្តនឹងខិតខំសហការណ៏យ៉ាងពេញទំហឹងចំពោះក្រុមការងារគ្រូពេទ្យស្ម័គ្រចិត្ត ប្រចាំខេត្តកណ្ដាល ដើម្បីបន្តសកម្មភាពមនុស្សធម៌នេះ សម្រាប់ជាប្រយោជន៏ ដល់ប្រជាពលរដ្ឋ និងសង្គមជាតិ ស្របតាមគោលនយោបាយចតុកោណរបស់ រាជរដ្ឋាភិបាល ក្នុងការកាត់បន្ថយភាពក្រីក្ររបស់ប្រជាពលរដ្ឋកម្ពុជា ។លោកវជ្ជបណ្ឌិត គួយ ប៊ុនធឿន អនុប្រធានប្រតិបត្តិទទួលបន្ទុក ប្រធានប្រតិបត្តិ ក្រុមការងារគ្រូពេទ្យស្មគ្រ័ចិត្ត ឯកឧត្តម ហ៊ុន ម៉ានី និងជាប្រធានមន្ទីរសុខាភិបាលនៃ រដ្ឋបាលខេត្តកណ្តាលបានបញ្ជាក់ថា ក្រុមការងារគូ្រពេទ្យស្មគ្រ័ចិត្តឯកឧត្តម ហ៊ុន ម៉ានី ចំនួន ១,២៥៨ នាក់ បានទទួលឱ្យចូលរួមជាមួយ គណៈកម្មការធិការចំពោះកិច្ចចាក់វ៉ាក់សាំងបង្ការជំងឺកូវីដ-១៩ ក្នុងក្របខណ្ឌទូទាំងប្រទេស ។ រហូតមកដល់ពេលនេះ ក្រុមការងារគ្រូពេទ្យស្មគ្រ័ចិត្តឯកឧត្តម ហ៊ុន ម៉ានី ចំនួន ១,២៥៨ នាក់ បាន ចុះបេសកកម្មតាមការឧទ្ទេសនាមរបស់គណៈកម្មកាចំពោះកិច្ចចាក់វ៉ាក់សាំងបង្ការជំងឺកូវីដ-១៩ ដោយចាក់ ជូនប្រជាពលរដ្ឋបានប្រមាណ ៣,៦០១,៣១៤ ដូស ក្នុង១២ រាជធានី-ខេត្ត ក្នុងនោះ នៅខេត្តកណ្តាលបានចំនួនប្រមាណ ៦០,០៤៥ ដូស ។

អត្ថបទទាក់ទង