ខេត្តកណ្តាល៖ រសៀលថ្ងៃទី៣១ ធ្នូ ឆ្នាំ២០២១ ឯកឧត្តមបណ្ឌិត ម៉ៅ ភិរុណ ប្រធានក្រុមប្រឹក្សាខេត្តកណ្តាល និងឯកឧត្តម គង់ សោភ័ណ្ឌ អភិបាលខេត្តកណ្តាល បានដឹកនាំប្រតិភូរដ្ឋបាលខេត្តកណ្តាលចូលរួមគោរពវិញ្ញណក្ខន្ធសព មហាឧបាសកពុទ្ធសាសនូបត្ថម្ភក៍ ផឹង គឹង ត្រូវជាលោកឪពុកក្មេក របស់ ឯកឧត្តម គន់ គីម ទេសរដ្ឋមន្រ្តីទទួលបន្ទុកបេសកកម្មពិសេស ស្ថិតនៅភូមិគ្រឹះក្រុមគ្រួសារ នៃសពនៅក្រុងតាខ្មៅ ខេត្តកណ្តាល។ក្នុងវេលាពោរពេញដោយសមានទុក្ខ និងដោយសេចក្តីសោកស្តាយជាពន់ពេកនេះ រដ្ឋបាលខេត្តសូមចូលរួមរំលែក នូវមរណទុក្ខដ៏ក្រៀមក្រំបំផុតជាមួយ ឯកឧត្តមទេសរដ្ឋមន្រ្តី និងលោកជំទាវ ព្រមទាំំងក្រុមគ្រួសារ ចំពោះការបាត់បង់ដោយក្តីអាឡោះអាល័យបំផុតនូវលោកឪពុក លោកឪពុកក្មេក លោកតា លោកតាទួត ជាទីគោរពស្រឡាញ់ ដ៏ជ្រាលជ្រៅ និងពោរពេញដោយសង្គហធម៌ ព្រហ្មវិហារធម៌មិនចេះរីងស្ងួតចំពោះកូនចៅគ្រប់ៗរូប ព្រមទាំងជា ពុទ្ធសាសនូបត្ថម្ភក៍មួយរូបដែលតែងតែរួមចំណែកលើកកម្ពស់ដល់វិស័យព្រះពុទ្ធសាសនានៅកម្ពុជា យ៉ាងច្រើន ពុំអាចបំភ្លេចបាន និងសូមបួងសួងដល់ដួងវិញ្ញាណក្ខន្ធ មហាឧបាសក ផឹង គឹង បានចាប់កំណើត ក្នុងសុគតិភពគ្រប់ៗជាតិ កុំបីឃ្លៀងឃ្លាតឡើយ៕
![](https://asset.cambodia.gov.kh/provincial/sites/29/2021/12/270396222_4498669900261214_3415394154953172124_n-4.jpg)
![](https://asset.cambodia.gov.kh/provincial/sites/29/2021/12/270748001_4507670809361123_3914400209576249797_n-1024x682.jpg)
![](https://asset.cambodia.gov.kh/provincial/sites/29/2021/12/270756352_4507672326027638_4951988546655652015_n-1024x682.jpg)
![](https://asset.cambodia.gov.kh/provincial/sites/29/2021/12/270785780_4507672429360961_6734457373723160282_n-1024x682.jpg)
![](https://asset.cambodia.gov.kh/provincial/sites/29/2021/12/270812798_4507672892694248_5951084600019033351_n-1024x682.jpg)
![](https://asset.cambodia.gov.kh/provincial/sites/29/2021/12/270748501_4507673209360883_7779594635786739258_n-1024x682.jpg)