ខេត្តកណ្តាល៖ ព្រឹកថ្ងៃទី៧ ខែតុលា ឆ្នាំ២០២៦ ឯកឧត្តម ប្រាក់ សារ៉ាត អភិបាលរងខេត្តកណ្តាល តំណាង ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល បានអញ្ជើញចុះពិនិត្យទីតាំង បង្កើតរោងចក្រកាត់ដេរ ចាក់សម្លៀកបំពាក់ សម្លៀកបំពាក់សត្វចិញ្ចឹម មួក កន្សែង កន្សែងដៃ កន្សែងបង់ក មួកគ្របជិតក កម្រាលភួយ ស្រោមដៃ និងស្រោមជើង របស់ក្រុមហ៊ុន (YUE MEI CASHMERE CO., LTD.) ដែលមានទីតាំងស្ថិតនៅសួនឧស្សាហកម្ម ស៊ូចូវ ខេមបូឌា តាមបណ្តោយផ្លូវជាតិលេខ២១ ភូមិព្រែកឡុង សង្កាត់រកាខ្ពស់ ក្រុងតាខ្មៅ ខេត្តកណ្តាល ដោយមានការចូលរួមពី មន្ទីរ-អង្គភាពពាក់ព័ន្ធ និង មន្ត្រីជំនាញផងដែរ។សូមបញ្ជាក់ថា៖ រោងចក្រនេះពេលចាប់ផ្ដើមដំណើរការមានតម្រូវការពលកម្មចំនួន ៨១៤នាក់ ក្នុងនោះបរទេសចំនួន ១២នាក់ និងពេលដំណើរការពេញសមត្ថភាពមានតម្រូវការចំនួន ១,២៦៤នាក់ ក្នុងនោះបរទេសចំនួន ១២នាក់។