ខេត្តកណ្ដាល៖ ព្រឹកថ្ងៃទី២៨ ខែមេសា ឆ្នាំ២០២៦ លោកជំទាវ ស្រ៊ុន ស្រីនាង អភិបាលរងខេត្តកណ្តាល បានអញ្ជើញដឹកនាំ កិច្ចប្រជុំ បើកវគ្គបណ្តុះបណ្តាល ពង្រឹងការអនុវត្តបែបបទ និងនីតិវិធី នៃការផ្តល់សេវារដ្ឋបាល តាមយន្តការច្រកចេញចូលតែមួយនៃរដ្ឋបាលឃុំ សង្កាត់ ដោយមានការចូលរួមពី លោកនាយករងរដ្ឋបាលសាលាខេត្ត លោកប្រធានអង្គភាពច្រកចេញតែមួយខេត្ត អភិបាលរងក្រុង ស្រុកទទួលបន្ទុក មេឃុំ ចៅសង្កាត់ និងអ្នកពាក់ព័ន្ធជាច្រើនអ្នកផងដែរ តាមរយៈប្រព័ន្ធ Online Zoom នៅសាលប្រជុំសាលាខេត្តកណ្តាល។គោលបំណង ក្នុងវគ្គបណ្តុះបណ្តាលនេះគឺដើម្បី:-លើកកម្ពស់ ប្រសិទ្ធភាព ប្រសិទ្ធផល តម្លាភាព និងគណនេយ្យភាព ក្នុងការផ្តល់សេវារដ្ឋបាលជូនប្រជាពល រដ្ឋនៅមូលដ្ឋានឱ្យកាន់តែបានល្អប្រសើរស្របតាមស្មារតីលិខិតបទដ្ឋានជាធរមាន-ពង្រឹងការអនុវត្តតួនាទីបុគ្គលិកបំរើសេវានៅយន្តការច្រកចេញចូលតែមួយនៃរដ្ឋបាលឃុំ សង្កាត់ កាន់តែមានប្រសិទ្ធភាព តម្លាភាព និងគណនេយ្យភាព-ផ្សព្វផ្សាយឱ្យបានកាន់ទូលំទូលាយដល់ប្រជាពលរដ្ឋនៅមូលលដ្ឋានយល់ដឹងកាន់តែច្បាស់-កាត់បន្ថយការប្រើសេវាកម្រៃជើងសា។