ខេត្តកណ្តាល៖ នៅរសៀលថ្ងៃទី២២ ខែមេសា ឆ្នាំ២០២៦នេះ ឯកឧត្ដម គួច ចំរេីន អភិបាល នៃគណៈអភិបាលខេត្តកណ្ដាល និងឯកឧត្តមបណ្ឌិត លី រស្មី រដ្ឋលេខាធិការនៃក្រសួងរៀបចំដែនដី នគរូបនីយកម្ម និងសំណង់ បានអញ្ជេីញដឹកនាំក្នុងកិច្ចប្រជុំពិនិត្យ វឌ្ឍនភាព នៃការងារសាងសង់អគាររដ្ឋបាលសាលាខេត្តកណ្តាល ដោយមានការអញ្ជើញចូលរួមពី ឯកឧត្តម លោកជំទាវអភិបាលរងខេត្ត មន្ទីរអង្គភាពពាក់ព័ន្ធ និងមន្ត្រីជំនាញផងដែរ។ក្នុងកិច្ចប្រជុំនេះ ឯកឧត្ដម គួច ចំរើន បានជំរុញដល់ក្រុមការងារបច្ចេកទេសសាងសង់ ត្រូវបន្តខិតខំពន្លឿននូវការសាងសង់ ឱ្យបានរួចរាល់តាមការគ្រោងទុក ត្រូវសាងសង់ប្រកបដោយស្តង់ដារបច្ចេកទេសត្រឹមត្រូវ ដើម្បីធានាបាននូវគុណភាព សោភ័ណ្ឌភាព សុវត្ថិភាព ប្រើប្រាស់បានយូរអង្វែង។