+++++++++++++ខេត្តកណ្ដាល៖ ឯកឧត្តម នូ សាខន ប្រធានក្រុមប្រឹក្សាខេត្តកណ្តាល និងលោកជំទាវ នៅរសៀលថ្ងៃទី១៨ ខែមេសា ឆ្នាំ២០២៦នេះ បានដឹកនាំប្រតិភូខេត្តកណ្តាល រួមមាន៖ ឯកឧត្តម លោកជំទាវ សមាជិកក្រុមប្រឹក្សាខេត្ត មន្ត្រីរាជការសាលាខេត្ត និងមន្ទីរជុំវិញខេត្ត អញ្ជើញមកគោរពវិញ្ញាណក្ខន្ធសព លោក អ៉ី កាវិន មេឃុំឈ្វាំង ស្ថិតនៅក្នុងស្រុកពញាឮ ដែលបាទទួលមរណភាពកាលពីថ្ងៃទី១៧ ខែមេសាឆ្នាំ២០២៦ វេលាម៉ោង ១៤:២២ នាទីរសៀលក្នុងជន្មាយុ ៧៨ឆ្នាំ ដោយរោគាពាធ។ស្ថិតក្នុងពិធីដ៏ក្រៀមក្រំនេះ ឯកឧត្តមប្រធានក្រុមប្រឹក្សាខេត្ត ព្រមទាំងប្រតិភូខេត្តកណ្តាល បានអញ្ជើញដាក់កម្រងផ្កា អុជធូប ស្មិងស្មាធិ៍ គោរពឧទ្ទិសដល់ដួងវិញ្ញាណក្ខន្ធសព លោក អ៉ី កាវិន និងបានចូលរួមរំលែកទុក្ខយ៉ាងក្រៀមក្រំ និងអាឡោះអាល័យជាមួយក្រុមគ្រួសារនៃសព។ ឯកឧត្តម នូ សាខន បានថ្លែងនូវការសោកស្តាយចំពោះ មរណភាពរបស់លោកមេឃុំ ដែលជាការបាត់បង់នូវស្វាមី បិតា និងជីតា ជាទីគោរពស្រឡាញ់ដ៏ជ្រាលជ្រៅប្រកបដោយព្រហ្មវិហារធម៌ ដែលបានប្រឹងប្រែងអស់កម្លាំងកាយ ចិត្ត បញ្ញា ស្មារតី ស្ទើរពេញមួយជីវិត ដោយឥតនឿយហត់ ប្រកបដោយទឹកចិត្តស្វាមី ភក្តី ចំពោះជាតិ និងតួនាទីភារៈកិច្ច ប្រកបដោយស្មារតីទទួលខុសត្រូវ។បន្ទប់មក ឯកឧត្តមប្រធានក្រុមប្រឹក្សាខេត្ត ក៍បានអញ្ជើញសរសេរសារក្នុងសៀវភៅរំលែកមរណទុក្ខ ដោយបានរៀបរាប់ពីការសោកស្តាយជាពន់ពេក ចំពោះមរណភាពរបស់លោកមេឃុំ ។ ក្នុងឱកាសនោះដែរប្រតិភូខេត្តកណ្តាលក៏បាន ចូលបច្ច័យមួយចំនួនដល់គ្រួសារសពផងដែរ។