ចោលឈូង ជាល្បែងប្រជាប្រិយខ្មែរមួយ ក្នុងចំណោមល្បែងកម្សាន្តដទៃទៀត ដែលពលរដ្ឋកម្ពុជាតែងលេងមុននិងក្នុងអំឡុងចូលឆ្នាំថ្មី ប្រពៃណីជាតិ ។ ក្រៅពីផ្តល់ភាពសប្បាយរីករាយ ល្បែងនេះក៏នាំឲ្យអ្នកលេង មានភ្នែកឈ្លាសវៃ និងដៃរហ័សរហួនផងដែរ ។ ហេតុផលដែលថា ល្បែងនេះ អាចធ្វើឲ្យភ្នែកឈ្លាសវៃ ហើយដៃជើងរហ័សរហួន ព្រោះទាំងពីរក្រុមដែលជាអ្នកចូលរួមលេង ត្រូវតែប្រុងប្រយ័ត្នទាំងសងខាង ក្នុងការចាប់ឈូង ។