ខេត្តកណ្ដាល៖ រសៀលថ្ងៃទី៣០ ខែមីនា ឆ្នាំ២០២៦ ឯកឧត្តម ប៊ុន ផេង អភិបាលរងខេត្តកណ្ដាល បាន ដឹកនាំកិច្ចប្រជុំអនុគណៈកម្មការល្បែងប្រជាប្រិយ និងការប្រគុំតន្ត្រី ដើម្បីអបអរសាទរពិធីបុណ្យចូលឆ្នាំថ្មី ឆ្នាំមមី អដ្ឋស័ក ព.ស.២៥៧០ គ.ស.២០២៦ នៅក្រុងតាខ្មៅ ខេត្តកណ្តាល ដែលនឹងប្រព្រឹត្តទៅ នៅថ្ងៃទី ១៤-១៦ ខែមេសា ឆ្នាំ២០២៦ ដោយបានការអញ្ជើញចូលរួមពីលោកនាយករដ្ឋបាលសាលាខេត្ត អាជ្ញាធរក្រុងតាខ្មៅ មន្ទីរអង្គភាពពាក់ព័ន្ធ និងមន្ត្រីជំនាញជាច្រើនរូបផងដែរ។សូមជម្រាបជូនថា អនុគណៈកម្មការនេះ មានតួនាទី និងភារកិច្ច ដូចខាងក្រោម៖- រៀបចំទីតាំង តុបតែងលម្អ និងសម្ភារៈសម្រាប់លេងល្បែងប្រជាប្រិយ (បោះអង្គញ់, ចោលឈូង, ទាញព្រ័ត្រ, លាក់កន្សែង..) សម្រាប់ជូនសាធារណជនលេងកម្សាន្ត ក្នុងរយៈពេលបុណ្យចូលឆ្នាំថ្មីប្រពៃណីជាតិ- ចងក្រងរបៀប នៃការលេងល្បែងប្រជាប្រិយខ្មែរឱ្យមានរបៀបរៀបរយ ដើម្បីរក្សាអត្តសញ្ញាណ និងផ្តល់ភាពងាយស្រួលដល់អ្នកចង់ចូលលេងក្នុងពិធីសង្ក្រាន្ត- ផ្សព្វផ្សាយ អត្តសញ្ញាណជាតិ តាមរយៈការរៀបចំកម្មវិធីបែបប្រពៃណី វប្បធម៌ និងសាសនា កម្មវិធីល្បែងប្រជាប្រិយ និងរបាំប្រជាប្រិយ ប្រពៃណីខ្មែរ ឱ្យបានទូលំទូលាយ- សហការជាមួយអាជ្ញាធរ ស.ស.យ.កនិងសមាគមន៍នារីកម្ពុជាដើម្បីសន្តិភាព និងការអភិវឌ្ឍន៍ ដើម្បីរៀបចំ និងចូលរួមសកម្មភាពលេងល្បែងប្រជាប្រិយនានា សម្រាប់រយៈពេល ៣ថ្ងៃ បង្កភាពសប្បាយរីករាយក្នុងពិធី ដោយប្រកាន់នូវការលើកកម្ពស់អត្តសញ្ញាណជាតិ. វប្បធម៌ ប្រពៃណី និងទំនៀមទម្លាប់ខ្មែរ។- សហការ និងសម្របសម្រួលជាមួយក្រុមការងារប្រគុំតន្ត្រីរបស់ក្រុមហ៊ុន វឌ្ឍនៈប្រ៊ូវើរី ឯ.ក - សហការជាមួយក្រុមហ៊ុន បញ្ច្រាបសារដឹងគុណ និងចងចាំនូវការលះបង់របស់វីរៈកងទ័ព និងការដឹកនាំរបស់រាជរដ្ឋាភិបាល ក្នុងការការពារបូរណភាពទឹកដី និងអធិបតេយ្យភាពជាតិ តាមរយៈពិធីករ និងសិល្បករ។- ទទួលភារកិច្ចផ្សេងៗ តាមការចាត់ចែងរបស់គណៈកម្មការរៀបចំសង្ក្រាន្ត។