ខេត្តកណ្ដាល៖ នាព្រឹកថ្ងៃទី១៨ ខែមីនា ឆ្នាំ២០២៦ រដ្ឋបាលខេត្តកណ្ដាល បានរៀបចំ “ទិវាជាតិប្រយុទ្ធប្រឆាំងអំពើជួញដូរមនុស្ស១២ ធ្នូ លើកទី១៩ ក្រោមប្រធានបទ “យើងរួមគ្នា ដើម្បីកម្ពុជា គ្មានអំពើជួញដួរមនុស្ស និងអំពើឆបោកតាមអនឡាញ” ក្រោមអធិបតីភាពលោកជំទាវ ស្រ៊ុន ស្រីនាង អភិបាលរង នៃគណៈអភិបាលខេត្តកណ្ដាល និងជាអនុប្រធានអចិន្ត្រៃយ៍គណៈកម្មាធិការប្រយុទ្ធប្រឆាំងអំពើជួញដូរមនុស្សខេត្ត តំណាង ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល និងជាប្រធានគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្ត។ពិធីនេះប្រារព្ធធ្វើនៅវរិវេណវត្តខ្នារ ភូមិត្រពាំងជ្រៅ ឃុំទំនប់ធំ ស្រុកពញាឮ ខេត្តកណ្តាល ដោយមានការអញ្ជើញចូលរួមពី កម្លាំងទាំងបី, មន្ទីរអង្គភាពជុំវិញខេត្ត, ក្រុមការងារទាំង៦ នៃគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្ត, អភិបាល អភិបាលរង ក្រុង ស្រុកទាំង១៣, លោកស្រីសមាជិកកា អនុសាខាសមាគមនារី ស្រុក ឃុំ, យុវជនកាកបាទក្រហម, កាយរិទ្ធិ, ស.ស.យ.ក, សិស្សានុសិស្ស និងបងប្អូនប្រជាពលរដ្ឋ សរុបសមាសភាពប្រមាណជាង ៥០០នាក់។