ខេត្តកណ្តាល៖ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល ឯកឧត្តមអភិបាលរងខេត្ត ព្រមទាំងមន្ត្រីរាជការសាលាខេត្ត នៅរសៀលថ្ងៃទី២២ ខែកញ្ញា ឆ្នាំ២០២៥នេះ បានអញ្ជើញជួបសំណេះសំណាលសួរសុខទុក្ខ និងលើកទឹកចិត្តដល់កងកម្លាំងនៅទីបញ្ជាការតំបន់ប្រតិបត្តិការសឹករងកណ្ដាល ដែលទទួលវេនប្រចាំបញ្ជា។ នាឱកាសនោះ ឯកឧត្តមអភិបាល ក៏បានឧបត្ថម្ភថវិកាជូនដល់តំបន់ប្រតិបត្តិការសឹករងកណ្ដាល ខេត្តកណ្ដាលចំនួន ៣០លានរៀលផងដែរ ក្នុងឱកាសពិធីបុណ្យភ្ជុំបិណ្ឌ។