+++++++++++រសៀលថ្ងៃទី២៨ ខែកក្កដា ឆ្នាំ២០២៥ ឯកឧត្តម គ្រុយ ម៉ាឡែន អភិបាលរងខេត្តកណ្តាល បានដឹកនាំក្រុមការងាររដ្ឋបាលខេត្តកណ្តាល ចុះពិនិត្យ និងសម្របសម្រួលដល់បងប្អូនប្រជាជន ពលករ ដែលធ្វើដំណើរមកពីប្រទេសថៃតាមច្រកអន្តរជាតិ (ច្រកដូង) ស្រុកកំរៀងក្នុងខេត្តបាត់ដំបង ដើម្បីត្រឡប់ទៅកាន់ស្រុកកំណើតវិញ។សូមបញ្ជាក់ថា៖ បន្ទាប់ពីមានការប៉ះទង្គេចគ្នាដោយប្រដាប់អាវុធពីទាហ៊ានថៃ បានធ្វើអោយប្រជាពលរដ្ឋ និងពលករខ្មែរសម្រុកវិលចូលស្រុកវិញដ៏ច្រើនសន្ធឹកសន្ធាប់មិនធ្លាប់មាននេះ គឺក្រោយពីមានការប៉ះទង្កិចគ្នាដោយអាវុធរវាងកងទ័ពកម្ពុជា ជាមួយកងទ័ពថៃ កាលពីថ្ងៃទី ២៤ កក្កដា នៅតាមបន្ទាត់ព្រំដែន ប៉ែកខាងជើង និងភាគពាយ័ព្យ នៃប្រទេសកម្ពុជា។ ការផ្លាសប្ដូរគ្រាប់កាំភ្លើងគ្នារវាងកងទ័ព នៃប្រទេសទាំងពីរ មានរយៈពេល០៥ថ្ងៃរហូតមកទល់ថ្ងៃនេះ៕
