ខេត្តកណ្ដាល៖នារសៀលថ្ងៃទី១៦ ខែមិថុនា ឆ្នាំ២០២៥ ឯកឧត្តម គ្រុយ ម៉ាឡែន អភិបាលរងខេត្តកណ្តាល បានអញ្ជើញដឹកនាំកិច្ចប្រជុំស្តីពី ការផ្សព្វផ្សាយ និងប្រគល់ការគ្រប់គ្រងដីសម្រាប់សាងសង់ទីលានចាក់សំរាមថ្មី ពិនិត្យ ពិភាក្សាសំណើសុំទីតាំងប្រើប្រាស់សម្រាប់ការញែក និងកែច្នៃសំណល់ប្លាស្ទិក ពិនិត្យ ពិភាក្សាសំណើសុំទីតាំងដំឡើងស្ថានីយ៍សាកអាគុយនៅសាលាខេត្ត សំណើសុំរៀបចំ និងដំណើការរណ្តៅទុកដាក់សំណល់រឹងទីប្រជុំជន ដោយមានការអញ្ជើញចូលរួមពី មន្ទីរអង្គភាពពាក់ព័ន្ធ អាជ្ញាធរក្រុង-ស្រុក តំណាងក្រុមហ៊ុន តំណាងអង្គការ ម្ចាស់សំណើ និងមន្ត្រីជំនាញផងដែរ។