ខេត្តកណ្ដាល៖ ព្រឹកថ្ងៃទី២៩ ខែមេសា ឆ្នាំ២០២៤ លោក ជី ស៊ីវុត្ថា នាយករដ្ឋបាលសាលាខេត្តកណ្តាល តំណាងដ៏ខ្ពង់ខ្ពស់ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល បានដឹកនាំមន្ត្រីរាជការសាលាខេត្ត ចូលរួមគោរពវិញ្ញាណក្ខន្ធសពលោក ប្រាង្គ គ្រឿន មេភូមិ ត្បូងវត្ត នៅភូមិ ត្បូងវត្ត ឃុំជ្រៃលាស់ ស្រុក ពញាឮ ខេត្តកណ្តាល ដែលបានទទួលមរណភាពកាលពីថ្ងៃសៅរ៍ ៤រោច ខែចេត្រ ឆ្នាំរោង ឆស័ក ព.ស២៥៦៧ ត្រូវនឹងថ្ងៃទី២៧ ខែមេសា ឆ្នាំ២០២៤ វេលាម៉ោង ១២:២៥នាទីថ្ងៃត្រង់ ក្នុងជន្មាយុ ៨០ឆ្នាំ ដោយសារជំងឺដាច់សរសៃឈាម ។