ខេត្តកណ្តាល៖ នៅព្រឹកថ្ងៃទី២៤ ខែកុម្ភៈ ឆ្នាំ២០២៤នេះ លោក ឈួន កែវ ជំនួយការឯកឧត្តមអភិបាលខេត្តកណ្ដាល តំណាងឯកឧត្តម គង់ សោភ័ណ្ឌ អភិបាលខេត្តកណ្តាល លោកសៀក សារឿន ប្រធានមន្ទីរធម្មការ និងសាសនា និងលោកស្រី ចេង ចាន់ផល្លា នាយិការទីចាត់ការហិរញ្ញវត្ថុសាលាខេត្ត រួមទាំងសហការី បាននាំយកបច្ច័យចំនួន ១០លានរៀល និង២០០ដុល្លា មកប្រគេនដល់សម្តេចព្រះឧត្តមបញ្ញា កិត្តិបណ្ឌិត ដូង ផង់ នន្ទិយោ ព្រះអនុប្រធានថេរសភាព្រះពុទ្ធសាសនាកម្ពុជា ព្រះអគ្គាធិការរង នៃអគ្គាធិការដ្ឋានពុទ្ធិកសិក្សាជាតិ និងជាព្រះចៅអធិការវត្តព្រែកប្រាំង ស្ថិតនៅក្នុងស្រុកពញ្ញាឮ ខេត្តកណ្ដាល សម្រាប់កសាង និងផ្គត់ផ្គង់ចង្ហាន់ដល់ព្រះសង្ឃ។
