ខេត្តកណ្តាល ៖ ព្រឹកថ្ងៃទី១២ ខែមករា ឆ្នាំ២០២៤ មន្ទីរបរិស្ថានខេត្តកណ្ដាល បានរៀបចំកម្មវិធីបណ្តុះបណ្តាលជូនដល់ក្រុមការងារ នៅក្នុងគណៈកម្មការវាយតម្លៃជ័យលាភីថ្នាក់ក្រុងស្រុកទាំង១៣ អំពីនីតិវិធី ការវាយតម្លៃ ផ្ទៀងផ្ទាត់ និងដាក់ពិន្ទុបេក្ខភាព ភូមិ ឃុំ សង្កាត់ ដែលបានដាក់ពាក្យក្នុងការប្រឡងប្រណាំងផ្ទៃក្នុងខេត្ត "ភូមិ-ឃុំ-សង្កាត់មានសុវត្ថិភាព” ក្នុងវិស័យបរិស្ថាន ឆ្នាំ២០២៣ ក្រោមអធិបតីភាព លោក ពៅ សោមាណាក់ ប្រធានមន្ទីរបរិស្ថាន ខេត្តកណ្តាល ដោយមានការអញ្ជើញចូលរួមពី លោក លោកស្រី ភិបាលរងស្រុក ក្រុង ក្នុងខេត្តកណ្ដាលចូលរួមផងដែរ ។ លោក ពៅ សោមាណាក់ ប្រធានមន្ទីរបរិស្ថាន ខេត្តកណ្តាល បានឱ្យដឹងថា ការប្រឡង ប្រណាំងភូមិ ឃុំ សង្កាត់ មានសុវត្ថិភាព ក្នុងក្របខ័ណ្ឌ លក្ខខណ្ឌសម្បតិទី៦ គឺនឹងបានចូលរួមជួយលើក ស្ទួយ ឱ្យភូមិ ឃុំ សង្កាត់ មានសោភ័ណភាព គ្មានសំរាម ធ្វើឱ្យការរស់នៅប្រកបដោយផាសុកភាព មានភាព ថ្លៃថ្នូរ ស៊ីវិល័យ ផ្អែកតាមគោលការណ៍ណែនាំរបស់ក្រសួងបរិស្ថាន។
![](https://asset.cambodia.gov.kh/provincial/sites/29/2024/01/1-94-1024x683.jpg)
![](https://asset.cambodia.gov.kh/provincial/sites/29/2024/01/2-66-1024x683.jpg)
![](https://asset.cambodia.gov.kh/provincial/sites/29/2024/01/3-48-1024x683.jpg)
![](https://asset.cambodia.gov.kh/provincial/sites/29/2024/01/4-41-1024x683.jpg)
![](https://asset.cambodia.gov.kh/provincial/sites/29/2024/01/5-45.jpg)
![](https://asset.cambodia.gov.kh/provincial/sites/29/2024/01/6-41.jpg)
![](https://asset.cambodia.gov.kh/provincial/sites/29/2024/01/7-41.jpg)
![](https://asset.cambodia.gov.kh/provincial/sites/29/2024/01/10-10.jpg)
![](https://asset.cambodia.gov.kh/provincial/sites/29/2024/01/8-43.jpg)
![](https://asset.cambodia.gov.kh/provincial/sites/29/2024/01/9-23.jpg)