ខេត្តកណ្តាល៖ព្រឹកថ្ងៃទី២៣ ខែសីហា ឆ្នាំ២០២៣ ឯកឧត្តម ឌឹម បូរ៉ា អភិបាលរងខេត្តកណ្តាល បានដឹកនាំកិច្ចប្រជុំវឌ្ឍនភាពការងារជាមួយទីចាត់ការរដ្ឋបាលខេត្តកណ្តាល។កិច្ចប្រជុំនេះមានការចូលរួមពីសំណាក់ លោក លោកស្រីនាយករងរដ្ឋបាលខេត្ត ទីចាត់ការរដ្ឋបាលខេត្ត និងការិយាល័យជំនាញជាច្រើនរូបផងដែរ។ ឯកឧត្តមអភិបាលរងខេត្តបានមានប្រសាសន៍ថា៖កិច្ចប្រជុំនេះក្នុងគោលបំណងត្រួតពិនិត្យវឌ្ឍនភាពការងារ និងពង្រឹងប្រសិទ្ធភាពក្នុងការអនុវត្តការងាររបស់ខ្លួនឲ្យកាន់តែមានប្រសិទ្ធភាពខ្ពស់ថែមទៀត៕