ខេត្តកណ្ដាល៖ កាលពីព្រឹកថ្ងៃទី២៧ ខែកក្កដា ឆ្នាំ២០២៣ ឯកឧត្តម នូវប៉េង ច័ន្ទតារា អភិបាលរងខេត្តកណ្ដាល បានទទួលជួបពិភាក្សាការងារ ជាមួយប្រតិភូសមាគមពន្លត់អគ្គីភ័យស្ម័គ្រចិត្ត មកពីប្រទេសកូរ៉េខាងត្បូង នៅសាលប្រជុំសាលាខេត្តកណ្ដាល ដែលដឹកនាំប្រតិភូដោយលោក SHIN HEECHEOL ប្រធានសមាគមពន្លត់អគ្គីភ័យស្ម័គ្រចិត្ត។ សូមបញ្ហាក់ថា ក្នុងការជួបពិភាក្សានេះ គឺប្រតិភូសមាគមពន្លត់អគ្គីភ័យស្ម័គ្រចិត្ត មកពីប្រទេសកូរ៉េខាងត្បូង មានគោលបំណងចង់ផ្ដល់ជូននូវវគ្គបណ្ដុះបណ្ដាលពិសេស ដល់មន្ត្រីនគរបាលពន្លត់អគ្គីភ័យ និងសង្គ្រោះបន្ទាន់របស់ខេត្តកណ្ដាល ឱ្យពួកគាត់ទទួលបានជំនាញ់ និងបច្ចេកទេសថ្មីៗបន្ថែមទៀត ក្នុងការជួយសង្គ្រោះប្រជាពលរដ្ឋដែលរងគ្រោះដោយអគ្គីភ័យបានកាន់តែមានប្រសិទ្ធភាព។ក្នុងឱកាសនោះ ឯកឧត្តម នូវប៉េង ច័ន្ទតារា បានថ្លែងអំណគុណយ៉ាងជ្រោលជ្រៅ ដល់ប្រតិភូសមាគមពន្លត់អគ្គីភ័យស្ម័គ្រចិត្ត ដែលចំណាយពេលវេលាដ៏មានតម្លៃ ក្នុងការជួបពិភាក្សាការងារ ស្ដីពីកាជួយផ្ដល់វគ្គបណ្ដុះបណ្ដាលពិសេស ដល់មន្ត្រីនគរបាលពន្លត់អគ្គីភ័យ និងសង្គ្រោះបន្ទាន់ក្នុងខេត្តកណ្ដាល ។
![](https://asset.cambodia.gov.kh/provincial/sites/29/2023/07/1-92.jpg)
![](https://asset.cambodia.gov.kh/provincial/sites/29/2023/07/2-59-1024x682.jpg)
![](https://asset.cambodia.gov.kh/provincial/sites/29/2023/07/3-55-1024x682.jpg)
![](https://asset.cambodia.gov.kh/provincial/sites/29/2023/07/4-56-1024x682.jpg)
![](https://asset.cambodia.gov.kh/provincial/sites/29/2023/07/5-53-1024x682.jpg)
![](https://asset.cambodia.gov.kh/provincial/sites/29/2023/07/6-53.jpg)
![](https://asset.cambodia.gov.kh/provincial/sites/29/2023/07/7-51.jpg)
![](https://asset.cambodia.gov.kh/provincial/sites/29/2023/07/8-51.jpg)
![](https://asset.cambodia.gov.kh/provincial/sites/29/2023/07/9-44.jpg)