ខេត្តកណ្តាល៖ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកណ្តាល នៅរសៀលថ្ងៃទី២៨ ខែធ្នូ ឆ្នាំ ២០២២នេះ បានដឹកនាំគណៈប្រតិភូ សាខាកាកបាទក្រហមកម្ពុជាខេត្តកណ្តាល មកចូលរួមគោរពវិញ្ញាណក្ខន្ធសព លោក លី ទាលៀង ត្រូវជាស្វាមីរបស់លោកស្រី រិន ច័ន្ទ ម៉ារីណា នាយិការង សាខាកាកបាទក្រហមកម្ពុជា ខេត្តកណ្តាល ដែលបានធ្វើមមរណភាព កាលពីថ្ងៃទី២៧ ខែធ្នូ ឆ្នាំ២០២២ ស្ថិតនៅ ក្នុងបុរីពិភពថ្មី១ សង្កាត់តាខ្មៅ ក្រុងតាខ្មៅ ។ស្ថិតក្នុងមរណទុក្ខដ៏ក្រៀមក្រំនេះ ឯកឧត្តម គង់ សោភ័ណ្ឌ បានលើកហត្ថប្រណមឧទិ្ទសបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិទាំងឡាយក្នុងលោក សូមប្រោសព្រំដួងវិញ្ញាណក្ខន្ធ លោកលី ទាលៀង សូមបានយោនយោគកំណើតក្នុងសុគតិភពកុំបីឃ្លៀងឃ្លាតឡើយ។
