ខេត្តកណ្តាល៖នាព្រឹកថ្ងៃទី០៤ ខែធ្នូ ឆ្នាំ២០២២ ឯកឧត្តម គង់ សោភ័ណ្ឌ អភិបាលខេត្តកណ្តាល និងក្រុមការងារ មន្ត្រីរាជាការ ពុទ្ធបរិស័ទ បានអញ្ជើញចូលរួមក្នុងពិធីបុណ្យផ្កាប្រាក់មហាសាមគ្គី ដើម្បីកសាងសាកលវិទ្យាល័យសម្ដេចព្រះមហាសង្ឃរាជ បួរ គ្រី” ស្ថិតនៅស្រុកអង្គស្នួល ខេត្តកណ្តាល។ ពិធីបុណ្យផ្កាប្រាក់មហាសាមគ្គី នាឱកាសនេះ គឺបានប្រព្រឹត្តទៅតាមការមូលមតិគ្នា របស់ពុទ្ធបរិស័ទជិតឆ្ងាយ ដើម្បីចូលរួមចាប់មគ្គផលកុសលផលបុណ្យ ដើម្បីដំណើរការកសាងសាកលវិទ្យាល័យសម្ដេចព្រះមហាសង្ឃរាជ បួរ គ្រី ស្ថិតនៅស្រុកអង្គស្នួល ខេត្តកណ្តាល។ សាកលវិទ្យាល័យនេះ នឹងបង្ហាញជារូបរាងនៅពេលខាងមុខឆាប់ៗនេះ ដើម្បីផ្តល់ឱកាសដល់យុវជន ក្មួយៗ សិស្សានុសិស្ស និស្សិត បានបន្តការសិក្សាថ្នាក់បរិញ្ញាបត្រ និងជំនាញផ្សេងៗ នៅក្បែរផ្ទះ ងាយស្រួលក្នុងការសិក្សារៀនសូត្រ និងបានកាត់បន្ថយការចំណាយច្រើនលើការសិក្សា៕