ស្រុកមុខកំពូល៖ នៅព្រឹកថ្ងៃទី១៨ ខែវិច្ឆិកា ឆ្នាំ២០២២ ឯកឧត្តម ឌឹម បូរ៉ា អភិបាលរងខេត្តកណ្តាល អញ្ជើញជាអធិបតីភាព តំណាងដ៏ខ្ពង់ខ្ពស់ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល ក្នុងពិធីប្រកាសចូលកាន់មុខតំណែង អភិបាលរង និងនាយករដ្ឋបាល នៃស្រុកមុខកំពូល ដែលពិធីនេះមានការអញ្ជើញចូលរួម ពីកងកម្លាំងទាំង៣ មន្ទីរអង្គភាពជុំវិញខេត្ត និងមន្ត្រីរាជការសាលាស្រុកមុខកំពូល។ អភិបាលរង និងនាយករដ្ឋបាល នៃស្រុកមុខកំពូល ដែលត្រូវបានប្រកាសចូលកាន់មុខតំណែងរួមមាន៖១.លោក គឹម ផល្លា អភិបាលរង នៃគណៈអភិបាលស្រុកមុខកំពូល។២.លោក លី សាក់រ៉នី អភិបាលរង នៃគណៈអភិបាលស្រុកមុខកំពូល។៣.លោក ចេង ចាន់ទិត្យា នាយករដ្ឋបាលសាលាស្រុកមុខកំពូល។+17
