ខេត្តកណ្តាល៖ ឯកឧត្តម គង់ សោភ័ណ្ឌ អភិបាល នៃគណ:អភិបាលខេត្តកណ្ដាល និងលោកជំទាវ ថេង ពុទ្ធិតា ព្រមទាំងឯកឧត្ដម លោកជំទាវអភិបាលរងខេត្ត មន្ត្រីរាជការ មន្ទីរជុំវិញខេត្ត នៅរសៀលថ្ងៃទី៥ ខែសីហា ឆ្នាំ២០២២នេះ បាននាំយកទៀនព្រះវស្សា និងទេយ្យទាន មកប្រគេនដល់ព្រះសង្ឃដែលគង់ចាំព្រះវស្សាក្នុងស្រុកខ្សាច់កណ្តាលចំនួន ៣៣វត្ត ដែលពិធីនេះបានរៀបចំឡើងនៅវត្តពោធិ៍មាស ស្ថិតក្នុងភូមិវាលធំ ឃុំពាមឧកញ៉ាអុង ស្រុកល្វាឯម ខេត្តកណ្ដាល។បុណ្យចូលព្រះវស្សាគឺ ជាបុណ្យដែលមានមកតាមផ្លូវព្រះពុទ្ធសាសនា ដែលព្រះសង្ឃត្រូវចូលវស្សាតាមពុទ្ធានុញ្ញាត រយៈពេល៣ខែជារៀងរាល់ឆ្នាំ គឺចាប់ផ្តើមពីថ្ងៃ១រោច ខែអាសាឍ ដល់ ថ្ងៃ១៥កើត ខែអស្សុជ ហើយក្នុងអំឡុងពេលចូលវស្សាព្រះសង្ឃគឺពុំអាចនិមន្តចេញពីវត្ត និងបិណ្ឌបាតដូចធម្មតាបានឡើយ ពោលគឺជាពេលមួយសម្រាប់ព្រះសង្ឃត្រូវសិក្សារៀនសូត្រធម៌វិន័យ ដូច្នេះពុទ្ធបរិស័ទមានតួនាទីសំខាន់ណាស់ក្នុងការទំនប់បម្រុងចង្ហាន់ សម្ភារៈប្រើប្រាស់ ស្បង់ជីវរ និងភេសជ្ជៈជាដើមសម្រាប់ប្រគេនព្រះសង្ឃតាមសទ្ធាជ្រះថ្លា។សូមបញ្ជាក់ថា ទៀនព្រះវស្សា និងទេយ្យវត្ថុរបស់រដ្ឋបាលខេត្ត ដែលថ្នាក់ដឹកនាំខេត្ត និងមន្ត្រីរាជការបានប្រគេនដល់ព្រះសង្ឃគង់ចាំព្រះវស្សា ទាំង ៣៣វត្ត ក្នុងមួយវត្តទទួលបាន អង្ករ ២០០គីឡូក្រាម ទៀនវស្សា ១គូរ ស្លាដក ១កញ្ចប់ ទឹកក្រូច ៥កេស ទឹកសុទ្ធ ៥កេស មី ៥កេស ត្រីខ ១កេស និងថវិកាមួយចំនួនផងដែរ។
![](https://asset.cambodia.gov.kh/provincial/sites/29/2022/08/297653587_372105671764448_6888152282606543639_n-1024x683.jpg)
![](https://asset.cambodia.gov.kh/provincial/sites/29/2022/08/297253789_372106398431042_5673888256143362015_n-1024x683.jpg)
![](https://asset.cambodia.gov.kh/provincial/sites/29/2022/08/296746718_372107098430972_2698493676947011598_n-1024x683.jpg)
![](https://asset.cambodia.gov.kh/provincial/sites/29/2022/08/297575671_372107438430938_8880352203798762254_n.jpg)
![](https://asset.cambodia.gov.kh/provincial/sites/29/2022/08/297784733_372107188430963_4409391689037350556_n.jpg)
![](https://asset.cambodia.gov.kh/provincial/sites/29/2022/08/296999382_372107301764285_7897698030224667920_n.jpg)
![](https://asset.cambodia.gov.kh/provincial/sites/29/2022/08/297062687_372106988430983_6308598014417861016_n-1024x683.jpg)
![](https://asset.cambodia.gov.kh/provincial/sites/29/2022/08/296674346_372106841764331_3452009697992591136_n-1024x683.jpg)