ខេត្តកណ្តាល៖ នៅរសៀលថ្ងៃទី១៣ ខែកក្កដា ឆ្នាំ២០២២នេះ ឯកឧត្តមបណ្ឌិត ម៉ៅ ភិរុណ ប្រធានក្រុមប្រឹក្សាខេត្តកណ្តាល និងឯកឧត្ដម គង់ សោភ័ណ្ឌ អភិបាល នៃគណៈអភិបាលខេត្តកណ្តាល បានដឹងនាំគណៈប្រតិភូរួមមានឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត ព្រមទាំងមន្ត្រីរាជការ មកចូលរួមគោរពវិញ្ញាណក្ខន្ធ អតីតនាយករដ្ឋមន្ត្រីជប៉ុន ឯកឧត្តម Shinzo Abe នៅស្ថានទូតជប៉ុនប្រចាំកម្ពុជា។
គួរំលឹកផងដែរថា ឯកឧត្តម Shinzo Abe បានទទួលមរណភាព កាលពីរសៀលថ្ងៃទី០៨ ខែកក្កដា ឆ្នាំ២០២២ ក្នុងវ័យ៦៧ឆ្នាំ បន្ទាប់ពីរងការបាញ់ប្រហារ ក្នុងកំឡុងពេលថ្លែងសុន្ទរកថា នៅក្នុងទីក្រុង Nara ភាគខាងលិចប្រទេសជប៉ុន។