ខេត្តកណ្ដាល៖ រសៀលថ្ងៃទី០៨ ខែកក្កដា ឆ្នាំ២០២២ ឯកឧត្ដម គង់ សោភ័ណ្ឌ អភិបាលខេត្តកណ្ដាល បានដឹកនាំ មន្ទីរជំនាញពាក់ព័ន្ធ និងកងកម្លាំងមានសមត្ថកិច្ច បានចុះពិនិត្យ និងដោះស្រាយករណីសំណូមពររបស់ក្រុមអ្នកតវ៉ាជាម្ចាស់រថយន្តកែចង្កូតពីស្តាំទៅឆ្វេងរហូតឈានដល់ការបិទផ្លូវជាតិប្រសព្វគ្នារវាងផ្លូវជាតិលេខ៤, ៤១ និង៥១ ស្ថិតនៅឃុំដំណាក់អំពិល ស្រុកអង្គស្នួល ខេត្តកណ្តាល។ ជាលទ្ធផល ក្រុមអ្នកតវ៉ាចំនួន ១៨នាក់ តំណាងឱ្យក្រុមអ្នកតវ៉ាចំនួន ៩៧នាក់ មានការអបអរសាទរសប្បាយរីករាយទទួលយកតាមការដោះស្រាយរបស់រដ្ឋបាលខេត្តកណ្តាល និងបានសន្យាថាបញ្ឈប់ការបិទផ្លូវជាបន្តទៀត ព្រមទាំងបំបែកផ្លូវគ្នាទៅផ្ទះរៀងៗខ្លួន។ ក្រុមអ្នកតវ៉ាទាំងអស់គ្នា បានគោរពថ្លែងអំណរគុណយ៉ាងជ្រាលជ្រៅជូនចំពោះសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ដែលសម្តេចបានអនុញ្ញាតឱ្យឡានកែឆ្នៃទាំងអស់បានចូលបង់ពន្ធតាមច្បាប់កំណត់ ដោយមិនចាំបាច់កែចង្កូតពីស្តាំទៅឆ្វេងទេ និងបានថ្លែងអំណរគុណចំពោះ រដ្ឋបាលខេត្តកណ្តាល ដែលបានដោះស្រាយសំណូមពរជូនពួកគាត់នាពេលនេះ៕
![](https://asset.cambodia.gov.kh/provincial/sites/29/2022/07/291433165_353261890315493_1244559132375557797_n-3.jpg)
![](https://asset.cambodia.gov.kh/provincial/sites/29/2022/07/292022359_353500360291646_5793967921989341979_n.jpg)
![](https://asset.cambodia.gov.kh/provincial/sites/29/2022/07/292540322_353500610291621_9132589071027573770_n.jpg)
![](https://asset.cambodia.gov.kh/provincial/sites/29/2022/07/291476895_353500580291624_1078894687773410519_n.jpg)
![](https://asset.cambodia.gov.kh/provincial/sites/29/2022/07/291683026_353501506958198_1749909302432801429_n.jpg)
![](https://asset.cambodia.gov.kh/provincial/sites/29/2022/07/292141026_353501000291582_3215712531833939770_n.jpg)