+++++++++ខេត្តកណ្តាល៖ព្រឹកថ្ងៃទី០១ ខែកក្កដា ឆ្នាំ២០២២ នៅសាលាខេត្តកណ្តាល បានរៀបចំកិច្ចប្រជុំដើម្បីណែនាំកិច្ចការពាក់ព័ន្ធនឹងដំណើរការរៀបចំកិច្ចប្រជុំលើកដំបូង ដើម្បីប្រកាសសុពលភាពសមាជិកក្រុមប្រឹក្សាឃុំ សង្កាត់អាណត្តិទី២ ក្រោមអធិបតីភាព ឯកឧត្តម នូវប៉េង ច័ន្ទតារា អភិបាលរងខេត្តកណ្តាល។ក្នុងកិច្ចប្រជុំនេះឯកឧត្តម នូវប៉េង ច័ន្ទតារា អភិបាលរងខេត្ត បានណែនាំដល់ទីចាត់ការធនធានមនុស្សខេត្តត្រូវសហការជាមួយ អភិបាលក្រុង-ស្រុកទាំង១១ដើម្បីប្រកាសសុពលភាពក្រុមប្រឹក្សាឃុំ សង្កាត់ អាណត្តិទី៥ ត្រូវអនុវត្តតួនាទី និងភារកិច្ច ឲ្យបានសមស្របតាមសេចក្ដីណែនាំ ស្តីពីការរៀបចំការប្រជុំលើកដំបូង ដើម្បីប្រកាសសុពលភាព សមាជិកក្រុមប្រឹក្សាឃុំ សង្កាត់ ប្រកាសឈ្មោះប្រធានក្រុមប្រឹក្សាឃុំ សង្កាត់ មេឃុំ ចៅសង្កាត់ ជំទប់ ចៅសង្កាត់រង ព្រមទាំងណែនាំអំពីការចាប់ផ្ដើមបំពេញការងារបន្ទាប់ពីកិច្ចប្រជុំលើកដំបូង របស់ក្រុមប្រឹក្សា ឃុំ សង្កាត់។ក្នុងនោះរដ្ឋបាលឃុំ សង្កាត់ត្រូវរៀបចំកន្លែងប្រារព្ធពិធីអោយបានសមរម្យ និងសមាជិកសមាជិកាត្រូវស្លៀកសំលៀកបំពាក់អោយបានសមរម្យ៕
![](https://asset.cambodia.gov.kh/provincial/sites/29/2022/07/289693620_347891814185834_8024775393613566378_n-4.jpg)
![](https://asset.cambodia.gov.kh/provincial/sites/29/2022/07/290909609_348472474127768_931697228305862767_n-1024x683.jpg)
![](https://asset.cambodia.gov.kh/provincial/sites/29/2022/07/290032896_348472527461096_6912066379227046080_n-1024x683.jpg)
![](https://asset.cambodia.gov.kh/provincial/sites/29/2022/07/290261708_348472627461086_3494421733282464693_n-1024x683.jpg)
![](https://asset.cambodia.gov.kh/provincial/sites/29/2022/07/291640693_348473327461016_6297672778522624673_n-1024x683.jpg)
![](https://asset.cambodia.gov.kh/provincial/sites/29/2022/07/291041508_348473017461047_6167741575825748041_n-1024x683.jpg)