ខេត្តកណ្តាល៖ ព្រឹកថ្ងៃទី២៣ ខែកញ្ញា ឆ្នាំ២០២១ ឯកឧត្តម គង់ សោភ័ណ្ឌ អភិបាលខេត្តកណ្តាល បានដឹកនាំសហការីចូលរួមកិច្ចប្រជុំរបស់គណៈកម្មាធិការកែទម្រង់រដ្ឋបាលសាធារណៈ ក្រោមអធិបតីភាពដ៏ខ្ពង់ខ្ពស់ ឯកឧត្តម ព្រុំ សុខា រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មាធិការកែទម្រង់រដ្ឋបាលសាធារណៈតាមប្រព័ន្ធអនឡាញ (Zoom)៕
ឯកឧត្តម ព្រុំ សុខា រដ្ឋមន្រ្តីក្រសួងមុខងារសាធារណៈ និងជាប្រធានគណៈកម្មាធិការកែទម្រង់រដ្ឋបាលសាធារណៈ មានប្រសាសន៏ថា គណៈកម្មាធិការមានភារកិច្ចដឹកនាំ គាំទ្រ និងសម្របសម្រួលការអនុវត្តការងារកំណែទម្រង់រដ្ឋបាលសាធារណៈ រៀបចំ អនុវត្តកម្មវិធីជាតិកំណែទម្រង់រដ្ឋបាលសាធារណៈផ្អែកលើគោលនយោបាយរបស់រាជរដ្ឋាភិបាល និងការអនុវត្តកម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ កែទម្រង់ការគ្រប់គ្រងហិរញ្ញវត្ថុសាធារណៈ កែទម្រង់ច្បាប់ប្រព័ន្ឋយុត្តិធម៌ និងកំណែរទម្រង់កម្មវិធីដទៃរបស់រាជរដ្ឋាភិបាល។
ឯកឧត្តមបានបញ្ចាក់ថា គណៈកម្មាធិការកែទម្រង់រដ្ឋបាលសាធារណៈ ត្រូវលើកសំណើជូនរាជរដ្ឋាភិបាលអនុម័តលើគោលនយោបាយ កម្មវិធី យុទ្ធសាស្រ្ត និងផែនការសកម្មភាពបម្រើអោយកែទម្រង់រដ្ឋបាលសាធារណៈ និងជួយសម្របសម្រួល ផ្តល់ជំនួយបច្ចេកទេសដល់ក្រសួង ស្ថាប័នថ្នាក់ជាតិ រដ្ឋបាលថ្នាក់ក្រោមជាតិ ក្នុងការចូលរូមអនុវត្តកម្មវិធីជាតិកែទម្រង់រដ្ឋបាលសាធារណៈ។
![](https://asset.cambodia.gov.kh/provincial/sites/29/2021/09/242720956_4179497565511784_8322167302586300356_n.jpg)
![](https://asset.cambodia.gov.kh/provincial/sites/29/2021/09/242673597_4179497668845107_6287008192577864917_n.jpg)
![](https://asset.cambodia.gov.kh/provincial/sites/29/2021/09/242898539_4179497912178416_3255775979632252735_n.jpg)
![](https://asset.cambodia.gov.kh/provincial/sites/29/2021/09/242596527_4179497762178431_2728741270697098293_n.jpg)
![](https://asset.cambodia.gov.kh/provincial/sites/29/2021/09/242621324_4179497828845091_5057919673443795879_n.jpg)
![](https://asset.cambodia.gov.kh/provincial/sites/29/2021/09/242697108_4179498422178365_16590372211293753_n.jpg)