ខេត្តកណ្ដាល៖ រសៀលថ្ងៃទី២៤ ខែតុលា ឆ្នាំ២០២២ លោកជំទាវ ហ៊ុន កុសនី អភិបាលរងខេត្ត និងជាប្រធានក្រុមការងារកិច្ចការពារកុមារខេត្ត និងលោកជំទាវ នួន នារតី សមាជិកក្រុមប្រឹក្សាខេត្ត និងជាប្រធានកិត្តិយសក្រុមការងារកិច្ចការពារកុមារខេត្ត បានអញ្ជើញជាអធិបតីភាពក្នុងពិធីបិទកិច្ចប្រជុំស្តីពីការរៀបចំធ្វើបច្ចុប្បន្នភាពផែនការកិច្ចការពារកុមារខេត្តរយៈពេល ៣ឆ្នាំ (២០២៣-២០២៥ ) ។ថ្លែងក្នុងពិធីបិទលោកជំទាវ នួន នារតី សមាជិកក្រុមប្រឹក្សាខេត្ត និងជាប្រធានកិត្តិយសក្រុមការងារកិច្ចការពារកុមារខេត្ត មានប្រសាសន៍ថា៖កិច្ចប្រជុំពិគ្រោះយោបល់នាពេលនេះគឺជាលើកទី៣ហើយ បន្ទាប់ពីកិច្ចប្រជុំពិគ្រោះយោបល់លើកទី០២នៅថ្ងៃទី០៦ ខែតុលា ឆ្នាំ២០២២កន្លងមក។ពិតមែនផែនការកិច្ចការពារកុមារនេះ បានសម្រេចឯកភាពគ្នាបន្ទាប់ពីផ្ដល់យោបល់បំពេញបន្ថែម ឬសកែសម្រួលនូវសកម្មភាព និងសូចនាករមួយចំនួន ប៉ុន្តែយើងទាំងអស់គ្នា ពិសេសក្រុមការងារកិច្ចការពារកុមារខេត្ត និងមានភារកិច្ចត្រូវអនុវត្តបន្តទៀត។លោកជំទាវបានបន្តទៀតថា៖ ក្រុមការងារកិច្ចការពារកុមារខេត្ត ដែលមានជំនាញមន្ទីរពាក់ព័ន្ធ ត្រូវពិនិត្យនិងកែសម្រួលឡើងវិញនូវផែនការនេះឱ្យបានសមស្របត្រឹមត្រូវតាមមតិណែនាំ និងការចូលរួមគ្រោះយោបល់របស់អ្នកចូលរួមទាំងអស់។លោកជំទាវ នួន នារតី សមាជិកក្រុមប្រឹក្សាខេត្ត និងជាប្រធានកិត្តិយសក្រុមការងារកិច្ចការពារកុមារខេត្ត បានបញ្ជាក់បន្ថែមទៀតថា៖ បន្ទាប់មកក្រុមការងារត្រូវរៀបចំកសាងនូវសៀវភៅផែនការកិច្ចការពារកុមារខេត្តកណ្ដាល សម្រាប់រយៈពេល ០៣ ឆ្នាំ (២០២៣-២០២៥) ដោយមានព័ណនាលម្អិតអំពីព័ត៌មាន នៃស្ថានភាពកុមារក្នុងខេត្តកណ្ដាល អំពីគោលការណ៍មគ្គុទេស គោលបំណង វត្ថុបំណង យុទ្ធសាស្ត្រ និងសកម្មភាពអំពីតួនាទី អំពីការទទួលខុសត្រូវរបស់ស្ថាប័នពាក់ព័ន្ធទាំងអស់ទាំងថ្នាក់ជាតិ និងថ្នាក់ក្រោមជាតិរួមទាំងអង្គការដៃគូអភិវឌ្ឍន៍ និងអង្គការមិនមែនរដ្ឋាភិបាល អំពីលទ្ធផលរំពឹងទុក សូចនាករ នឹងគោលដៅសំខាន់ៗ។សូមបញ្ជាក់ផងដែរថា៖កិច្ចប្រជុំនេះមានសារៈសំខាន់ក្នុងគោលដៅលើកកម្ពស់ស្ថានភាពកុមារ ឆ្លើយតបទៅនឹងសិទ្ធិជាមូលដ្ឋានរបស់កុមារដែលមានចែងក្នុងអនុសញ្ញាស្ដីពីសិទ្ធិរបស់កុមារ ដែលជាច្បាប់អន្តរជាតិ ហើយត្រូវបានព្រះរាជាណាចក្រកម្ពុជាយើងចុះហត្ថលេខាផ្ដល់សច្ចាប័នផងដែរ៕
![](https://asset.cambodia.gov.kh/provincial/sites/29/2022/10/311628832_429211626053852_6952850173026252675_n-3-1024x683.jpg)
![](https://asset.cambodia.gov.kh/provincial/sites/29/2022/10/312980149_429375572704124_1065447193753278760_n.jpg)
![](https://asset.cambodia.gov.kh/provincial/sites/29/2022/10/312956132_429375599370788_5898488093989161637_n.jpg)
![](https://asset.cambodia.gov.kh/provincial/sites/29/2022/10/312937042_429375969370751_1117027365593879416_n.jpg)
![](https://asset.cambodia.gov.kh/provincial/sites/29/2022/10/312930784_429375699370778_4280282030360863132_n.jpg)
![](https://asset.cambodia.gov.kh/provincial/sites/29/2022/10/312729005_429375739370774_9010600990704235189_n.jpg)
![](https://asset.cambodia.gov.kh/provincial/sites/29/2022/10/312603590_429375796037435_20423903737148794_n.jpg)
![](https://asset.cambodia.gov.kh/provincial/sites/29/2022/10/312480627_429375886037426_7166014211150116375_n.jpg)