ខេត្តកណ្ដាល៖ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល នៅរសៀលថ្ងៃទី១៧ ខែមិថុនា ឆ្នាំ២០២១នេះ បានដឹកនាំប្រតិភូខេត្ត រួមមាន ឯកឧត្តម លោកជំទាវ សមាជិកក្រុមប្រឹក្សាខេត្ត អភិបាលរងខេត្ត អភិបាលក្រុង-ស្រុក និងមន្ទីរជុំវិញខេត្ត អញ្ជើញមកចូលរួមក្នុងពិធីបុណ្យ ៧ថ្ងៃ និងរួមរំលែកមរណទុក្ខជាមួយក្រុមគ្រួសារ សពឧបាសិកា ហម អ៉ីម ត្រូវជាម្តាយក្មេករបស់លោកស្រី ជី ថាវី ប្រធានមន្ទីរអភិវឌ្ឍន៍ជនបទខេត្តកណ្តាល ដែលបានទទួលមរណភាព កាលពីថ្ងៃទី១២ ខែមិថុនា ឆ្នាំ២០២១ វេលាម៉ោង ២:១២នាទីរសៀល ក្នុងជន្មាយុ ៦៥ឆ្នាំ ដោយរោគាពាធ នៅសង្កាត់វាលវង់ ក្រុងកំពង់ចាម ខេត្តកំពង់ចាម។
ក្នុងពិធីនេះ ឯកឧត្តមអភិបាលខេត្ត ព្រមទាំងប្រតិភូខេត្តកណ្តាលបានថ្លែងនូវការសោកស្តាយ និងចូលរួមរំលែកទុក្ខចំពោះមរណភាពរបស់ ឧបាសិកា ហម អ៉ីម ដែលជាការបាត់បង់នូវ មាតា និងជីដូន ដែលជាទីគោរពស្រឡាញ់ដ៏ជ្រាលជ្រៅប្រកបដោយព្រហ្មវិហារធម៌ របស់កូនចៅ និងក្រុមគ្រួសារ ។ នាឱកាសនោះដែរ ឯកឧត្ដមអភិបាលខេត្ត និងប្រតិភូខេត្ត បានឧទ្ទិស បុណ្យកុសលជូនវិញ្ញាណក្ខន្ធនៃសព សូមបានទៅកាន់សុគតិភពកុំបីឃ្លៀងឃ្លាតឡើយ។
![](https://asset.cambodia.gov.kh/provincial/sites/29/2021/06/196125894_3896349037159973_7267941588644009372_n.jpg)
![](https://asset.cambodia.gov.kh/provincial/sites/29/2021/06/199537440_3895488097246067_6050166758657004626_n-1.jpg)
![](https://asset.cambodia.gov.kh/provincial/sites/29/2021/06/201111522_3896353857159491_3828932707324722064_n.jpg)
![](https://asset.cambodia.gov.kh/provincial/sites/29/2021/06/196099161_3896352923826251_3894088341983957083_n.jpg)
![](https://asset.cambodia.gov.kh/provincial/sites/29/2021/06/195300601_3896349713826572_2893723726764219172_n.jpg)
![](https://asset.cambodia.gov.kh/provincial/sites/29/2021/06/131448895_3896349137159963_4675560573936661944_n.jpg)
![](https://asset.cambodia.gov.kh/provincial/sites/29/2021/06/197189630_3896351237159753_4900030136475279929_n.jpg)