ខេត្តកណ្តាល ៖ នាព្រឹកថ្ងៃទី២៩ ខែមេសា ឆ្នាំ២០២១ លោកជំទាវ ហ៊ុន កុសនី អភិបាលរងខេត្ត បានអញ្ជើញចុះត្រួតពិនិត្យ និងសំណេះសំណាលសួរសុខ ទុក្ខ ព្រមទាំងនាំយកអំណោយជាគ្រឿងឧបភោគបរិភោគ និងសម្ភារប្រើប្រាស់ក្នុងការទប់ស្កាត់ការឆ្លងមេរោគកូវីដ-១៩ ជូនបងប្អូនជាកម្លាំងចម្រុះកំពុងឈរជើងប្រចាំការនៅតាមមណ្ឌលសកម្មភាពប្រយុទ្ធប្រឆាំងជំងឺកូវីដ-១៩ នៅសង្កាត់កោះអន្លង់ចិន ដែលមានមណ្ឌលសកម្មភាពទាំងអស់ចំនួន ១០មណ្ឌលសកម្មភាព ។
ក្នុងឱកាសនេះដែរ លោកជំទាវអភិបាលរងខេត្ត ក៏បានណែនាំបន្ថែមដល់កងកម្លាំង និងអជ្ញាធរ ដែលប្រចាំការនៅតាមមណ្ឌលនីមួយៗ ត្រូវបង្កើនការផ្សព្វផ្សាយ និងណែនាំ ពីវិធីការពារ និងទប់ស្កាត់ ការឆ្លងជំងឺកូវិដ-១៩ ជូនដល់បងប្អូនប្រជាពលរដ្ឋក្នុងមូលដ្ឋានរបស់ខ្លួនបន្ថែមទៀត ព្រោះសព្វថ្ងៃជំងឺកូវិដ-១៩ កំពុងរីករាលដាល ។
លោកជំទាវអភិបាលរងខេត្ត បានបន្តថា ចំពោះបងប្អូនណាដែលប្រកបរបរនៅផ្សារដើមគរ គឺត្រូវតែយកសំណាក់ និងក្រោយពេលដែលយកសំណាក់រួម គឺមិនអនុញ្ញាតអោយពួកគាត់ចេញក្រៅ ឬទៅកន្លែងផ្សេងៗនោះទេ គឺត្រូវអោយពួកគាត់ធ្វើចត្តាឡីស័កនៅផ្ទះ ដោយរងចាំលទ្ធផលចេញមកពីការយកសំណាក់ ។
ក្នុងឱកាសនោះ លោកជំទាវអភិបាលរងខេត្ត ក៏បានជំរុញ និងផ្សព្វផ្សាយ អោយប្រជាពលរដ្ឋទៅចាក់វ៉ាក់សាំងកូវិដ-១៩ អោយបានគ្រប់គ្នា និងបានអោយអជ្ញាធរមូលក្នុងមូលដ្ឋាន ចុះស្រង់ឈ្មោះប្រជាពលរដ្ឋដែលមានជីវភាពក្រីក្រ ដើម្បីអោយក្រុមការងារបានជួយឧបត្ថម្ភដល់ពួកគាត់ ។
សូមបញ្ជាក់ថា ក្នុងសង្កាត់កោះអន្លង់ចិន មានមណ្ឌលសកម្មភាពប្រយុទ្ធប្រឆាំងកូវិដ-១៩ ចំនួន ១០មណ្ឌល ក្នុងមួយមណ្ឌល ទទួលបាន អង្ករ ៥០គីឡូក្រាម មី ២កេស ម៉ាស់ ២ប្រអប់ ជែលលាងដៃ ១០ដប និងថវិកា ១០ម៉ឺនរៀល ៕
![](https://asset.cambodia.gov.kh/provincial/sites/29/2021/04/178375723_3755979844530227_8387662077179329286_n.jpg)
![](https://asset.cambodia.gov.kh/provincial/sites/29/2021/04/178129900_3755980397863505_5422716985093078029_n.jpg)
![](https://asset.cambodia.gov.kh/provincial/sites/29/2021/04/178555856_3755982604529951_2908031100863074617_n.jpg)
![](https://asset.cambodia.gov.kh/provincial/sites/29/2021/04/179843566_3755980041196874_2497986818300951441_n.jpg)
![](https://asset.cambodia.gov.kh/provincial/sites/29/2021/04/179071651_3755981037863441_2813798406542363043_n.jpg)
![](https://asset.cambodia.gov.kh/provincial/sites/29/2021/04/178415982_3755982044530007_2456076931802684611_n.jpg)
![](https://asset.cambodia.gov.kh/provincial/sites/29/2021/04/177957764_3755980217863523_372963598505494614_n.jpg)
![](https://asset.cambodia.gov.kh/provincial/sites/29/2021/04/177729616_3755981791196699_6232415972246411221_n.jpg)
![](https://asset.cambodia.gov.kh/provincial/sites/29/2021/04/177617958_3755980791196799_3913950908745673951_n.jpg)
![](https://asset.cambodia.gov.kh/provincial/sites/29/2021/04/177517453_3755980134530198_5204692817820598444_n.jpg)
![](https://asset.cambodia.gov.kh/provincial/sites/29/2021/04/177452370_3755982397863305_8919585837415556537_n.jpg)
![](https://asset.cambodia.gov.kh/provincial/sites/29/2021/04/176875537_3755981304530081_5009841512264282051_n.jpg)
![](https://asset.cambodia.gov.kh/provincial/sites/29/2021/04/175722594_3755981464530065_6716782313911040016_n.jpg)
![](https://asset.cambodia.gov.kh/provincial/sites/29/2021/04/175511493_3755979951196883_1155658094235872691_n.jpg)
![](https://asset.cambodia.gov.kh/provincial/sites/29/2021/04/171921273_3755980297863515_6661339518646392205_n.jpg)