ស្រុកពញាឮ៖ ក្នុងឱកាសចូលឆ្នាំថ្មី ឆ្នាំខាលចត្វាស័ក ព. ស២៥៦៦ ឯកឧត្ដម គង់សោភណ្ឌ័ អភិបាលខេត្តកណ្តាល និងលោកជំទាវ ,ឯកឧត្ដម លោកជំទាវ ជាគណ:អភិបាលខេត្ត ,សមាជិក ក្រុមប្រឹក្សា ខេត្ត,ថ្នាក់ដឹកនាំ តាមមន្ទីរអង្គភាពជុំវិញខេត្ត ស្រុកពញាឮ រួមជាមួយពុទ្អបរិសទ័ចំណុះជើងវត្ត សុវណ្ណវារីហៅវត្តព្រែកតាទែន បាននិមន្តព្រះសង្ឃ សូត្រមន្ត បង្សុកូល រាប់បាត្រប្រគេនព្រះសង្ឃវត្ត ដើម្បីឧទ្ទិសកុសលផលបុណ្យទៅដល់បុព្វការីជន មាតា បិតា ជីដូន ជីតា ញាតិកាទាំង៧សណ្តាន និងប្រជាជនស្លូតត្រង់ ដែលបានស្លាប់ក្នុងរបបប្រល័យពូជសាសន៍ ប៉ុលពតដែលបានចែកឋានទៅកាន់លោកខាងមុខ សូមដួងវិញ្ញាណក្ខន្ធទាំងឡាយ បានសោយសុខក្នុងឋានបរមសុខ កុំបីអាក់ខានឡើយ និងបែងាកក្រោយ អោយពរអោយជ័យ ដល់កូនចៅ នៅខាងក្រោយ បានសេចក្តីសុខគ្រប់ប្រការ និងរកសុីមានបាន ។ ក្នុងពិធីនេះ ឯកឧត្ដម គង់សោភណ្ឌ័ និងលោកជំទាវ បានបួងសួងដល់គុណបុណ្យព្រះរតនត្រ័យកែវទាំងបី វត្ថុសក្តិសិទ្ធទាំងឡាយ ក្នុងលោក សូម ទេវតាឆ្នាំថ្មីឆ្នាំខាល ព្រះនាម កិរិណីទេវី តាមជួយ អភិបាល គ្រប់គ្រង ប្រោសព្រំសាធុការពរជ័យ គ្រប់ប្រការ ជូនចំពោះថ្នាក់ដឹកនាំមន្ត្រីរាជការ កងកម្លាំងប្រដាប់អាវុធ បងប្អូនប្រជាជន ទូទាំងខេត្ត សូមប្រកបដោយព្រះពុទ្ធពរទាំងបួនប្រការគឺអាយុ វណ្ណៈ សុខៈ និងពលកុំបីឃ្លៀងឃ្លាតឡើយ៕
